Пайвандҳои дастрасӣ

Рӯзи шанбе дар Тоҷикистон Рӯзи Фалак, ки яке аз мардумитарин сабкҳои мусиқист, ҷашн гирифта шуд.

Дар расми боз шудани ид, раиси ҷумҳури Тоҷикистон Эмомалӣ Раҳмон, Фалак ва Шашмақомро пояҳои мусиқии тоҷик номид ва изҳори умедворӣ кард, ки рушди ин ҳунарҳо ба ваҳдат ва пешрафти миллӣ муосидат хоҳанд кард.

Ба муносибати ид дар кохи "Тоҷикистон" ҳунарнамоии фалаксароён аз манотиқи гуногуни кишвар барпо гардид.

Масъулини Вазорати фарҳанги Тоҷикистон мегӯянд, соли дуввум аст, ки Рӯзи Фалак дар Тоҷикистон ҷашн гирифта мешавад ва санаи таҷлили он бо амри раисҷумҳури Тоҷикистон аз 4 августи соли 2007 ҳамасола 10 октябр муқаррар шудааст. Аммо ба далели он ки 10 октябр раисҷумҳури Тоҷикистон дар сафари хидматӣ буд, маросими расмии таҷлили он ва консерти калони фалаксароён имрӯз доир гардид.

Ҳарчанд давлати Тоҷикистон аз ин сабки мусиқии тоҷик пуштибонӣ мекунад ва дар ду соли гузашта груӯҳҳои нави фалаксароӣ таъсис ёфт, вазъи ҳунармандоне, ки дар сабки фалак мехонанд ва мусиқӣ меофаранд, дар ин ду соли охир тағйири мусбат надидааст. Дар ҳоли ҳозир Давлатманди Хол устоди фалаксароӣ дар кишвар ба шумор меравад ва ҳамзамон чеҳраҳои наве дар ин сабк ба саҳна меоянд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG