Normal 0
Дар шаҳри Кобул, пойтахти Афғонистон, ҷашнвораи байналмилалии мусиқиҳои милливу классикӣ бо ширкати ҳунармандон аз Афғонистону Тоҷикистон ва Ҳинду Покистон идома дорад. Ин ҷашнвора бо мусоидати вазорати фарҳанги Афғонистон, маркази фарҳангии Фаронса дар Кобул ва Бунёди фарҳангии “Калид” баргузор мешавад.
Дар ҷашнвораи Кобул намунаҳои мусиқии миллии ин 4 кишвар бо истифода аз созҳое, чун дутору сетор ва таблу чанг, ба самъи тамошобинон пешкаш мешавад.
