Сарвазири Русия Владимир Путин гуфт, масрафоти низомии Русия дар соли оянда 27 дарсади дигар афзуда, беш аз 94 миллиард долларро ташкил хоҳад дод. Дар пайи низоъи кӯтоҳи низомии моҳи август бо Гурҷистон ҳам раисиҷумҳури Русия Дмитрий Медведев ва ҳам сарвазир Путин изҳор карданд, ки ин амалиёти низомӣ ба навсозии ҷиддии таслиҳот ва таҷҳизот ниёз доштани артиши Русияро низ нишон дод.
