Имрӯз дар деҳи Панҷрӯди ноҳияи Панҷакент ҷашни бузургдошт аз 1150-солагии Абуабдуллоҳ Рӯдакӣ баргузор шуд. Тибқи гузориши хабарнигори радиои Озодӣ аз маҳали ҷашн, дар барномаҳои бузургдошт ҳудуди се ҳазор нафар шоъиру нависанда, донишмандон ва ҳунармандон аз 22 кишвар ширкат доштанд. ЮНЕСКО ё муассисаи фарҳангӣ ва илмиву омузишии СММ 1150-солагии Рӯдакиро ҷашни байналмилалӣ эълон кардааст ва дар чаҳорчӯбаи ин ҷашн барои обод кардани оромгоҳи шоир ба ҳукумати Тоҷикистон кӯмак мекунад. Эмомалӣ Раҳмон-раиси ҷумҳури Тоҷкистон имрӯз дар Панҷрӯд дар ин бора чунин гуфт:
"Ҳукумати Тоҷикистон тасмим гирифт, ки оромгоҳи устодро мувофиқи тарҳи меъмории биноҳои асри даҳи милодӣ ва тақозои истиқлолу давлатдории миллӣ ба охир расонад".
