Қирғизистон сешанберо рузи мотами миллӣ эълон кардааст. 24-уми август дар натиҷаи суқути ҳавопаймо дар наздикии Бишкек 65 нафар кушта, 25 нафари дигар зинда мондаанд. Дар ин бора мақомоти расмӣ хабар додаанд. Ин ҳавопаймо бо 90 мусофир ва хадамаи он ба Ирон парвоз мекард ва беш аз нисфи онҳо шаҳрвандони Ирон будаанд. Ҳавопаймои навъи Боинг 737-и сохти соли 1979 ба ширкати хусусии "Айтекэйр"-и Қирғизистон таъаллуқ дошт ва дар иҷораи ширкати ҳавопаймоии "Осмон"-и Ирон буд.
