Гурӯҳи 20-нафараи нозирон аз Созмони Амният ва Ҳамкории Аврупо (САҲА) рӯзи душанбе ба мушоҳидаи оташбаси миёни Русия ва Гурҷистон шурӯъ хоҳад кард. Раиси созмон, вазири умури хориҷии Финлонд, Александр Штубб гуфт, то оғози кори онҳо ҳамаи таҷҳизоти зарурии фаъолияти даста низ фароҳам хоҳад омад. Нозирон дар манотиқи гуногуни Гурҷистон ва Осетияи Ҷанубӣ мустақар хоҳанд шуд.
