Михайил Саакашвилӣ раиси ҷумҳури Гурҷистон гуфт, барои хотима додан ба низоъ бо Русия созиши оташбаси таҳияшуда бо миёнҷигарии Фаронсаро имзо кардааст. Вай дар ин бора зимни як нишасти муштараки хабарӣ бо вазири умури хориҷаи Амрико Кондолиза Райс хабар дод. Хонум Райс гуфт, ин барнома бояд фавран иҷро шавад ва нерӯҳои Русия ва ҳамаи шарикони онҳо, қаламрави Гурҷистонро тарк кунанд.
