Вазири умури хориҷии Фаронса, Бернар Кушнер гуфт, Иттиҳоди Аврупо (ИА) "қатъист", ки нозирони худро ба Осетияи Ҷанубӣ бифиристад, вале барои ин бояд аввал Созмони Милал қатъномаи марбута ба тасвиб бирасонад. Кушнер дар поёни нишасти изтирории вазирони Иттиҳоди Аврупо гуфт, эътилофи 27 давлат дар фиристодани нозирони сулҳ қарори қатъӣ дорад. Бархе аз давлатҳои узв дар ин нишаст ба вокунишҳои шадиди интиқодӣ алайҳи Русия даъват карданд.
