Раисиҷумҳури Тоҷикистон Эмомалӣ Раҳмон ба хотири ширкат дар расми ифтитоҳи Бозиҳои тобистонаи Олимпӣ ба Пекин рафт. Дар ҳошияи ин сафар, қарор аст, оқои Раҳмон бо раҳбарони аввали Чин ва бо намояндагони ширкати “Зиҷин Майнинг”, ки 75 дарсади саҳмияҳои корхонаи тилои “Зарафшон”-ро дар даст дорад, мулоқот кунад.
Эмомалӣ Раҳмон дар Пекин ҳамчунин бо аъзои тими олимпии Тоҷикистон низ дидор хоҳад кард. Тоҷикистонро дар Олимпиадаи имсола 15 варзишгар намояндагӣ мекунанд.
