Пулиси Ироқ мегӯяд, ки бар асари ҳамлаи маргталабонаи як зани бомбгузор дар шимолу шарқи Бағдод дасти кам ҳашт нафар кушта шудаанд. Ин ҳамла дар як посгоҳи таҳти назорати суннимазҳабони шарики нерӯҳои Иёлоти Муттаҳида дар шаҳри Бақуба сурат гирифтааст. Бино ба иттилоъи хабаргузории “Ассосиейтед Пресс”, бар асари бомбгузорӣ ҳамчунин 24 тани дигар маҷрӯҳ шудаанд.