Пайвандҳои дастрасӣ

Хуҷанд: 20 захмии задухурд бо чиноиҳо


Шумори захмишудагон дар задухурди чиноиҳо бо сокинони шаҳри Хуҷанд, ки ба беморхона интиқол дода шудаанд, беш аз 20 нафар будааст.

Гуфта мешавад, чиноиҳо дар ин задухурд аз оҳанпораҳо истифода кардаанд, ки боиси ҷароҳати вазнин бардоштани чанд тан аз захмишудагон гаштааст.

Шоми 22-уми июл дар тарабхонаи «Баҳори Аҷам», воқеъ дар маҳаллаи 19-уми шаҳри Хуҷанд, байни шаҳрвандони Чин ва сокинони шаҳри Хуҷанд муноқиша ба амал омад, ки ниҳоят ба муштзании ду тараф ва бо захмишавии чанд нафар сокинон анҷомид.

Ин ҳодиса дар замоне рух дод, ки ду шаҳрванди Чин ва ду-се нафар сокинони Хуҷанд дар тарабхона исироҳат доштанд ва бо сабаби номаълум миёни онҳо муноқиша даргирифт. Дере нагузашта теъдоди зиёди шаҳрвандони Чин ба ин тарабхона ҷамъ омаданд ва барои латукӯб кардани сокинони Хуҷанд чӯбу оҳанпораҳоро истифода карданд.

Аммо сабаби сар задании муноқиша байни шаҳрвандони Чин ва Тоҷикистон бар сари чист, то ҳол маълум нест. Маркази хабарии идораи умури дохилаи вилояти Суғд дар сӯҳбат бо радиои Озодӣ гуфт, ки ҷиҳати таҳқиқи ин ҳодиса миёни шаҳрвандони Тоҷикистону Чин як комиссюни вижа таъсис дода шудааст ва ҳоло ин комиссия тафтишот мебарад.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

Машваратдодашуда

XS
SM
MD
LG