Имрӯз тақрибан 2 ҳазор нафар аз ҷонибдорони аҳзоби исломии Покистон дар канори Лал-Масҷид ё Масҷиди Сурхи шаҳри Исломобод ҷамъ омаданд – расо як сол пеш нерӯҳои ҳукуматӣ дар ин масҷид амалиёти низомӣ доир карданд. То рӯзи амалиёт гуфтушунид бо ифротгарони дар масҷид ҷамъомада, ки шадидтар кардани қавонин шариат дар кишварро талаб доштанд, бенатиҷа анҷом ёфта буд. Дар амалиёти низомӣ, ки дар дохили Лал-Масҷид чандин соат идома кард, дасти кам 102 нафар ба ҳалокат расиданд.
