Дабири Кулли НАТО Яап Де Ҳуп Скеффер гуфт, ки вай талош мекунад ҳама кишварҳои узви ин паймонро водор кунад, ки аз пешниҳоди тамдиди мӯҳлати иҷрои барномаи узвияти НАТО барои Украина пуштибонӣ кунанд. Изҳороти Скеффер дар баробари хабарнигорон баъди анҷоми сафари дурӯзаи ӯ ва ҳайати НАТО ба Киев садо дод. Нишасти НАТО дар Бухарест моҳи апрели имсол ба Украинаву Гурҷистон ҳақи узвият дар ин барномаро фароҳам наовард, аммо таъкид шуд, ки дар нишасти вазирони хориҷаи НАТО дар моҳи декабр ин мавзӯъ бознигарӣ хоҳад шуд.
