Мирзои Салимпур
Як ҳайъати давлатии Тоҷикистон ба хотири пешбурди музокирот дар масъалаи харидории гази Узбакистон аз Душанбе ба Тошканд рафт. Ин ҳайъатро вазири энержии кишвар Абдуллоҳ Ёров ва раиси ширкати гази Тоҷикистон Муҳаммадрузӣ Искандаров раҳбарӣ мекунанд.
Ҳадаф аз музокироти нави ин ҳайъат бо ширкатҳои "Узтрансгаз" ва "Узэнерго" эҷоди заминаи имзои қарордод дар бораи харидории гази Узбакистон барои таъмини ниёзҳои корхонаҷот ва аҳолии Тоҷикистон дар мавсими зимистон мебошад.
Тоҷикистон, бино ба ҳисоби ширкати гази ин кишвар, танҳо дар се моҳи боқимондаи соли ҷорӣ тақрибан ба 280 милён метри мукааби газ эҳтиёҷ дорад.
Аз аввали сол Тоҷикистон аз Узбакистон ба миқдори 355 милён метри мукааб газ харидааст.