Нурмуҳаммади Холзода
Рузи ҷумъа, 31-уми январ дар ҳайъати кобинаи вазирони Тоҷикистон тағйироти ҷадиди кадрӣ сурат гирифт. Дар ҷаласае, ки таҳти раёсати раисиҷумҳури кишвар Эмомалӣ Раҳмонов доир гардид, Рафиқа Мусоева -- вазири кор ва шуғли аҳолӣ аз мақомаш барканор шуд.
Бино ба маълумотҳои расида, Мирзохуҷа Низомов-собиқ раиси идораи гумруки Тоҷикистон муовини раиси кумитаи марзбонӣ ва чанд нафари дигар ба мақомҳои муовинат дар вазоратхонаҳои тандурустӣ, вазорати кор ва амсоли он таъйин шуданд.
Дар ҳамин ҷаласа раҳбарони нави ду донишгоҳи умдаи Тоҷикистон -- Донишгоҳи Миллӣ ва Донишгоҳи Тиббӣ низ таъйин шудаанд.