Мирзои Салимпур
Бонки Осиёии Рушд рафъи оқибатҳои банд шудани маҷрои обанбори нирӯгоҳи Бойғозиро ба маблағи 5 миллионн доллар сармоягузорӣ мекунад. Муовини сарвазири Тоҷикистон Фаридун Муҳиддинов бо раҳбари намояндагии Бонки Осиёии Рушд дар ин маврид як ёддошти тафоҳум ба имзо расонидаанд. Бар асари зилзилаи сахте дар моҳи март ва канда шудани кӯҳпора беш аз 20 миллион метри мукааби хок пеши роҳи ин обанборро банд карда, идомаи фаъолияти обанбор ва нирӯгоҳи Бойғозиро зери хатар гузоштааст.