Полиси Испания 8 нафарро бо гумони кумак ба гурӯҳҳои террористии исломии Африқои Шимолӣ боздошт кард. Ба иттилоъи вазорати умури дохила, ҳама гумонбарон аз Алҷазоиранд ва дар ҷалби одамону ҷамъоварии маблағ барои бахшҳои созмони “Ал-Қоида” дар Африқои шимолӣ айбдор мешаванд. Ҳамчунин гуфта мешавад, ки гумонбарон дар се вилоят ва бо дархости додгоҳи мубориза бо терроризми Испания боздошт шудаанд.
