Имрӯз дар Шри-Ланка ду инфиҷор рух дод ва ин дафъа автобусҳои мусофирбар мавриди ҳамла қарор гирифтанд. Дар таркиши аввали автобус дар канори шаҳри Коломбо – пойтахти Шри Ланка 21 кас кушта ва беш аз 40 нафар маҷрӯҳ шуданд. Инфиҷори дуввум дар як автобуси мусофирбар дар маркази кишвар ба амал омад ва мунҷар ба ҳалокати 2 нафар ва ҷароҳат бардоштани 20 каси дигар гардид.
Мақомот дар ин ҳамлаҳои террористӣ ошубгарони гурӯҳи ҷудоихоҳи “Бабрҳои Тамил”-ро муттаҳам карданд.
