Ноиби волии Фараҳ, вилояте дар ҷанубу ғарби Афғонистон, гуфт, имрӯз дар асари инфиҷори бамби рӯироҳ дар ин вилоят 8 мусофири як автобус кушта шудаанд.
Ин автобус, ки ба вилояти ҳамҷавори Нимрӯз мерафт, дар улусволии Дилором мунфаҷир шудааст.
То кунун масъулияти таркиши Дилоромро гурӯҳе бар ӯҳда нагирифтааст, вале дар гузашта масъулияти анҷоми ҳамлаҳои мушобеҳ бар дӯши ҷангиёни Толибон гузошта мешуд.
