Пайвандҳои дастрасӣ

Сабти номи "Анҷумани рӯзноманигорони форсизабон"


Нахустин Анҷумани рӯзноманигорони форсигӯ моҳи марти соли 2007 дар Душанбе баргузор шуд.

«Анҷумани байнулмилалии рӯзноманигорони форсизабон» бо мақарри марказияш дар шаҳри Душанбе дар Вазорати адлияи Тоҷикистон сабти ном шуд.

Ин нахустин чунин як созмони байнулмилалии рӯзноманигорони форсизабон мебошад. Як гурӯҳ рӯзноманигорони форсизабон аз Тоҷикистон ва берун муассисони ин созмон мебошанд. Раёсати ин созмонро сардабири нашрияи мустақили «Миллат» Адолати Мирзо бар дӯш дорад.

Ҳадафи ташкили чунин як созмон (АФРӮЗ) ҳимояи рӯзноманигорони форсизабон дар саросари ҷаҳон ва ҳамгироии бештари онҳо унвон шудааст.

Қарор аст, ин созмон дар оянда давраҳои омӯзишӣ барои рӯзноманигорон баргузор намояд ва расонаҳои хабарии чопиву электронӣ барои кишвраҳои форсизабон таъсис бидиҳад.

Тасмими таъсиси ин созмон моҳи марти соли гузашта дар нахустин Анҷумани рӯзноманигорони форсизабон дар шаҳри Душанбе гирифта шуда буд. Дар он анҷуман намояндагони беш аз 60 расона аз Афғонистону Эрон, Аврупову Русия ва Узбакистон иштирок карда буданд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG