Нерӯҳои Иёлоти Муттаҳида ва давлати Афғонистон мегӯянд, дар даргириҳои вилояти Нуристони Афғонистон шумори зиёде аз афроди Ҳизби исломии Афғонистон, марбут ба сарвазири собиқ Гулибиддини Ҳикматёрро ба қатл расондаанд. Ин ҳизб ғайриқонунӣ ва душмани ҳукумати Кобул эълон шудааст. Даргириҳои нав баъд аз хабари ҷангҳои Қандаҳор мерасад, ки дар онҳо 15 мусаллаҳи эҳтимолан гурӯҳи Толибон кушта шудаанд.
