Президенти Иёлоти Муттаҳида, Ҷорҷ Даблю Буш, мегӯяд, дар мавриди ирсоли нерӯи бештари кишварҳои НАТО ба Афғонистон эҳсосоти хуб дорад. Ин сухани ӯ пас аз гуфтушунидаш бо Дабири кулли паймон Яап де Ҳуп Схеффер дар Бухорест садо дод. Буш борҳо аз кишварҳои узв хостааст, ба Афғонистон нерӯи бештар бифристанд, зеро бори ҷанг бо мусаллаҳони толиб дар ин кишвар бар дӯши чанд узви ками паймон афтодааст.
