Мақомоти мусобиқаҳои ҷаҳонии шиноварӣ гуфтанд, ки низоми пӯшиши либоси вижаи варзишкоронро дар мусобиқаҳо бознигарӣ хоҳанд кард. Изҳороти мазкур баъди он садо дод, ки дар тӯли ду моҳи гузашта варзишгарони шиновар, ки либоси комилан пӯшида ба бар карда буданд, якбора 12 рекорди нав гузоштанд. Ва дар мусобиқаҳои ахири аврупойӣ дар Ҳолланд, ки ахиран натиҷагирӣ шуд, шиновари фаронсавӣ Алайн Бернар айнан бо ҳамин гуна либоси пӯшидаи сохтаи ширкати Speedo 13-умин рекорди ҷаҳониро дар шиноварӣ ба худ ихтисос дод.
