Толибҳои афғон як бурҷи мухобиротии телефонҳои ҳамроҳро дар вилояти Қандаҳори Афғонистон мунфаҷир карданд. Онҳо рӯзи душанбе ба ширкатҳои мухобиротӣ се рӯз мӯҳлат дода буданд, ки шабона мавҷи бурҷҳоро қатъ кунанд, зеро ба гуфтаи онҳо нерӯҳои Амрико ва НАТО бо истифода аз ин сигналҳо ба мавзеъи толибон зарба мезадаанд. Бурҷи мунфаҷиршуда дар Қандаҳор ба ширкати Ариба тааллуқ доштааст, ки дар аксари бахшҳои Афғонистон фаъол аст.
