Раиси Институти Нобели Норвегия Гейр Лундестат изҳор намуд, ки 197 номзад ба ҷоизаи сулҳи Нобел дар соли 2008-ум пешбарӣ шудаанд. Соли 2005-ум номзадии 199 нафар ба ин ҷоиза пешбарӣ шуда буд.
Номҳои довталабҳо пинҳон нигаҳ дошта мешавад, вале то кунун маълум шудааст, ки имсол дар миёни довталабҳо номҳои собиқ президенти Финландия Мартӣ Аҳтисаарӣ, собиқ кантслери Олмон Ҳелмут Кол, дигарандеш аз Куба Освалдо Пайа ва дигарон ба чашм мехӯрад. Барандаи ҷоизаи сулҳи Нобел дар таърихи 10-уми октябр эълон мешавад.
