Қуръакашии марҳилаи гурӯҳии мусобиқоти қаҳрамонии футболи ҷаҳон-2026, ки аз 11-уми июн то 19-уми июл дар ҳудуди се кишвар -- ИМА, Канада ва Мексика баргузор мешавад, доир гардид.
Дар Ҷоми ҷаҳонии футбол-2026 бори аввал 48 дастаи мунтахаб, ки ба 12 гурӯҳи чаҳордастаӣ тақсим шудааст, иштирок мекунад.
Натоиҷи қуръакашии Ҷоми ҷаҳонии футбол-2026:
Гурӯҳи А: Мексика, Африқои Ҷанубӣ, Кореяи Ҷанубӣ, плей-оффи аврупоӣ – D (Дания/Македонияи Шимолӣ/Чехия/Ирландия).
Гурӯҳи В: Канада, Қатар, Швейтсария, плей-оффи аврупоӣ – A (Италия/Ирландияи Шимолӣ/Уэлс/Босния ва Герсеговина).
Гурӯҳи C: Бразилия, Марокаш, Гаити, Шотландия.
Гурӯҳи D: ИМА, Парагвай, Австралия, плей-оффи аврупоӣ – C (Туркия/Руминия/Словакия/Косово).
Гурӯҳи E: Олмон, Кюрасао, Кот-д’Ивуар, Эквадор.
Гурӯҳи F: Нидерланд, Ҷопон, Тунис, плей-оффи аврупоӣ – B (Украина/Шведсия/Полша/Албания).
Гурӯҳи G: Белгия, Миср, Эрон, Зеландияи Нав.
Гурӯҳи H: Испания, Кабо-Верде, Арабистони Саудӣ, Уругвай.
Гурӯҳи I: Фаронса, Сенегал, Норвегия, бозиҳои байниқитъавии гузаришӣ – 2 (Боливия/Суринам/Ироқ).
Гурӯҳи J: Аргентина, Алҷазоир, Австрия, Урдун.
Гурӯҳи K: Португалия, Узбекистон, Колумбия, бозиҳои байниқитъавии гузаришӣ – 1 (Каледонияи Нав/Ямайка/ҶД Конго).
Гурӯҳи L: Англия, Хорватия, Гана, Панама.
Дар ҳамин ҳол 42 дастаи мунтахаб ба қаҳрамонии ҷаҳон-2026 роҳ ёфтааст. Боз 6 даста аз рӯйи натоиҷи бозиҳои гузаришӣ охири моҳи марти соли 2026 муайян мешавад.
Аз гурӯҳҳо на танҳо ду дастаи пешсаф, инчунин ҳашт дастаи беҳтарини ҷойҳои сеюм ба плей-офф, ки аз даври 1/16 финал шуруъ мегардад, роҳ пайдо мекунанд.