Аз замони ҳамлаи Русия ба хоки Украина беш аз ду ҳазор асирони ҷангӣ бо асирони ҷониби дигар иваз карда шудаанд.
Ду зани украинӣ баъди табодули зиндониҳо таҷрибаи талхи худро дар асорати русҳо нақл карданд. Людмила Ҳусейнова ва Анна Олсен дар минтақаҳои таҳти назорати русҳои Украина зиндонӣ будаанд. Баъди раҳоӣ ба Амрико кӯчиданд ва талош доранд ба маҳбусони дигар ёрӣ расонанд.