Эрдуғон латукӯби эътирозгаронро оромона тамошо кардааст ВИДЕО

Як видеои нав саҳнаи тамошои оромонаи Раҷаб Тайиб Эрдуғон, раиси ҷумҳурии Туркия аз ҳамлаи муҳофизонаш ба тазоҳургарони арманӣ ва курдро рӯзи 16 май дар назди қароргоҳи сафири Туркия дар Вашингтон сабт кардааст. Чунин ба назар мерасад, ки Эрдуғон қабл аз ҳамла бо маъмурони амниятӣ гуфтӯгу мекунад. Ҳодиса дар Амрико хашми мардум, аз ҷумла вакилонро барангехт. Онҳо бо ирсоли нома ба Эрдуғон аз ин амал шикоят кардаанд.