Давлати Австрия эълон кард, ки ба нишони эътироз ба шароити табобати сарвазири собиқи Украина Юлия Тимошенко дар зиндон тамоми бозиҳои Евро-2012 дар Украинаро бойкот хоҳад кард. Вазири хориҷа Михаел Спинделеггер гуфт, ягон мақоми ин кишвар дар бозиҳои Евро-2012 дар Украина ширкат нахоҳад кард. Сабқати қаҳрамонии футболи Аврупо, ки мизбониашро Украина ва Лаҳистон ба ӯҳда доранд, рӯзи 8 июн оғоз хоҳад ёфт. Тимошенкои ғарбгаро, ки ба 7 соли зиндон маҳкум шудааст, чанде пеш даъво кард, ки ӯро зиндонбонҳо латукӯб кардаанд. Мақомоти Олмон ва ИА низ гуфтаанд, ки рӯи бойкоти бозиҳои футбол дар Украина фикр мекунанд.
Вена бозиҳои Евро-2012 дар Украинаро бойкот кард
Михаел Спинделеггер