Василаи нави Facebook барои донорҳои аъзои бадан

Асосгузори Facebook Марк Зуккерберг аз як василаи ҷадид дар ин шабакаи иҷтимоии пурхонанда хабар дод, ки имкони сабтиноми билофосилаи мардум ба ҳайси донори аъзои баданро фароҳам меорад. Зуккерберг ба телевизиони амрикоии ABC News гуфт, истифодаи василаи ҷадид хеле содда аст. Ин василаи нави Facebook бо наздики 1 миллион корбар метавонад дар бахши табдил, ё трансплантатсияи аъзои бадан, ки талабот ба он шадидан меафзояд, инқилобе ба бор биорад.