Пайвандҳои дастрасӣ

“Вахш” бо шикаст додани “Регар” минтақаи хавфнокро тарк намуд


Ду бозии даври ҳабдаҳуми мусобиқаи қаҳрамонии футболи Тоҷикистон рӯзи 19-уми август барузор шуд. Як бозӣ бо пирӯзии меҳмонон ва бозии дигар бо натиҷаи мусовӣ хотима ёфт.

«Вахш»-и Қӯрғонтеппа дастаи мизбон - «Регар-ТадАЗ»-и Турсунзодаро бо ҳисоби 2:0 шикаст дод. Голҳоро Умарҷон Шарифов дар дақиқаи 35-ум ва Отабек Каримов дар дақиқаи 72-юм ба ҳадаф расонданд. Баъди ин ғалаба «Вахш» минтақаи хавфнокро тарк намуд ва дар ҷадвали мусобиқа ба зинаи панҷум баромад.

Бозии дигар миёни дастаҳои «Панҷшер»-и Ҷалолиддини Балхӣ ва ССКА «Помир»-и Душанбе бо ҳисоби мусовии 1:1 ба поён расид. Ҳарду гол дар нимаи дувуми дидор зада шуд. Ба голи Алишер Салимов, бозигари ССКА “Помир”, дар дақиқаи 53-юм, Зоир Ҷӯрабоев пас аз даҳ дақиқа посух дод.

Дар ҳамин ҳол дар ҷадвали мусобиқа “Истиқлол”-и Душанбе бо 39 имтиёз садрнишин аст. Ба “Истиқлол”, ки ду бозӣ камтар анҷом додааст, барои бори шашум ба унвони қаҳрамони Тоҷикистон даст ёфтан, дар шаш бозии боқимондаи мусобиқа чаҳор имтиёз гирифтан кофист. ССКА «Помир» бо 29 имтиёз дар мақоми дувум ва “Хуҷанд” бо 27 имтиёз дар мақоми севум қарор доранд. Ҳарду даста барои медалҳои нуқраву биринҷӣ мубориза мебаранд.

Бозиҳои даври ҳаждаҳуми мусобиқаи лигаи олӣ бегоҳи рӯзи чоршанбе, 23-юми август, байни дастаҳои «Вахш» - ССКА «Помир», «Барқчӣ» - «Панҷшер» ва «Регар-ТадАЗ» - «Ҳосилот» баргузор мешаванд.

Мусобиқаи қаҳрамонии Тоҷикистон. Лигаи олӣ. Даври 17-ум

«Регар-ТадАЗ» – «Вахш» – 0:2

Голҳо: Умарҷон Шарифов, 35 (0:1). Отабек Каримов, 72 (0:2).

Огоҳонида шуданд: Агблей Ҷонс, Фаррух Чориев («Регар-ТадАЗ»), Отабек Каримов («Вахш»).

Бозигари беҳтарини вохӯрӣ: Отабек Каримов («Вахш»).

Сардовар: Сайёдҷон Зайниддинов (Душанбе).

19 август. Турсунзода. Варзишгоҳи «ТАЛКО-Арена». 1500 тамошогар.

«Панҷшер» – ССКА «Помир» – 1:1

Голҳо: Алишер Салимов, 53 (1:0). Зоир Ҷӯрабоев, 63 (1:1).

Огоҳонида шуданд: Ҳасан Холов, Иззатулло Рӯзиев («Панҷшер»), Комрони Мирзонаҷот, Фирдавс Чақалов, Игор Суров (ССКА «Помир»).

Бозигари беҳтарини вохӯрӣ: Ҳасан Холов («Панҷшер»).

Сардовар: Беҳрӯз Муртазоев (Душанбе).

19 август. Ҷалолиддини Балхӣ. Варзишгоҳи ба номи Уктам Маматов. 2000 тамошогар.

Нишонзанҳо: Манучеҳр Ҷалилов («Истиқлол») – 14 тӯб, Дилшод Бозоров («Хуҷанд») – 8 тӯб, Фарҳод Тоҳиров, Давронҷон Тухтасунов (ҳарду – «Хуҷанд») – 7-тӯбӣ.

Даври 18-ум

23 август (чоршанбе)

Оғози бозиҳо - соати 17:00

«Вахш» – ССКА «Помир»

«Барқчӣ» – «Панҷшер»

«Регар-ТадАЗ» – «Ҳосилот»

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG