Пайвандҳои дастрасӣ

Хабари нав

Мунтахаби ҷавонони Тоҷикистон ба қаҳрамонии футболи Осиё-2020 омода мешавад


Акс аз Федератсияи Футболи Тоҷикистон

Дастаи мунтахаби ҷавонони футболи Тоҷикистон (U-19) бо раҳбарии сармураббӣ Мубин Эргашев омодагиро ба қаҳрамонии Осиё-2020 шуруъ кард. Ба ҷамъомади таълимиву тамринии даста, ки дар Душанбе то рӯзи 26-уми июл идома меёбад, 22 бозигар даъват шудааст.

Мунтахаби Тоҷикистон дар қаҳрамонии Осиё-2020 миёни дастаҳои мунтахаби ҷавонони то 19-сола, ки аз 14-ум то 31-уми октябри имсол дар Узбекистон баргузор мешавад, дар гурӯҳи «D» бо тимҳои Малайзия (16-уми октябр), Яман (19-уми октябр) ва Қатар (22-юми октябр) рақобат хоҳад кард.

Чаҳор дастаи беҳтарини қаҳрамонии Осиё-2020 миёни ҷавонон ба қаҳрамонии ҷаҳон-2021 (U-20), ки соли оянда дар Индонезия доир мегардад, роҳхат мегиранд.

Ҳайати дастаи мунтахаби ҷавонони футболи Тоҷикистон (U-19) дар ҷамъомади таълимиву тамринӣ дар Душанбе:

Дарвозабонҳо: Муҳриддин Ҳасанов («Хуҷанд»), Самандар Каримов («Локомотив-Помир»);

Ҳимоятгарон: Манучеҳр Сафаров, Шаҳром Назаров (ҳарду аз «Хуҷанд»), Шоҳрух Сангов, Муҳаммад Саломзода, Исроил Холов, Маҳмуд Пиров, Ҷонибек Шарипов (ҳама аз «Локомотив-Помир»), Алиҷон Кароматуллозода (ССКА);

Нимҳимоятгарон: Абдулмуъмин Забиров («Хуҷанд»), Ҳамадонӣ Камолов, Шарифбек Раҳматов (ҳарду аз «Истиқлол»), Озодбек Панҷиев, Шуҳрат Элмуродов, Нидоёр Забиров, Эмомалӣ Аҳмадхон, Муҳаммад Буризод, Умедҷон Холиқов (ҳама аз «Локомотив-Помир»);

Ҳамлагарон: Азизбек Ҳасанов, Парвиз Ҳоҷиев (ҳарду аз «Локомотив-Помир»), Суннатулло Исмоилов («Хатлон»).

Сармураббӣ – Мубин Эргашев.

Шарҳҳоро бинед

Шарҳҳо

Шарҳи нав расид
Идома
XS
SM
MD
LG