Пайвандҳои дастрасӣ

Хабари нав

“Истиқлол” ва “Ҳосилот” дар финали Ҷоми Тоҷикистон


Дастаҳои “Истиқлол”-и Душанбе ва “Ҳосилот”-и ноҳияи Фархор ба бозии ниҳоии Ҷоми Тоҷикистон оид ба футбол роҳ ёфтанд. Ҳарду дастаи ширкаткунандаи бозии ҳалкунанда баъди натиҷагирии бозиҳои ҷавобии даври ниманиҳоӣ, ки рӯзи 26-уми октябр баргузор шуданд, маълум гардиданд.

Дастаҳои “Истиқлол”-и Душанбе ва “Ҳосилот”-и ноҳияи Фархор ба бозии ниҳоии Ҷоми Тоҷикистон оид ба футбол роҳ ёфтанд. Ҳарду дастаи ширкаткунандаи бозии ҳалкунанда баъди натиҷагирии бозиҳои ҷавобии даври ниманиҳоӣ, ки рӯзи 26-уми октябр баргузор шуданд, маълум гардиданд.

“Истиқлол” бозиро дар меҳмонӣ бо тими “Равшан”-и Кӯлоб бо ҳисоби 0:0 анҷом дод. Азбаски дар бозии аввал душанбегиҳо дар майдони худ бо ҳисоби 4:0 ғолиб шуда буданд, ба финал баромаданд.

Дар бозии дигар “Ҳосилот” дар сафар дастаи «Хуҷанд»-и шаҳри Хуҷандро бо ҳисоби 2:1 мағлуб кард. Бозии аввал низ дар Фархор бо пирӯзии “Ҳосилот” бо ҳисоби 4:2 ба анҷом расида буд.

Ба ин тартиб, дастаҳои “Истиқлол” ва “Ҳосилот” дар бозии ниҳоӣ, ки 5-уми ноябр дар Варзишгоҳи марказии Душанбе баргузор мешавад, Барои Ҷоми Тоҷикистон мубориза мебаранд.

Ҷоми Тоҷикистон. Даври ниманиҳоӣ. Бозиҳои ҷавобӣ

26 октябр (чоршанбе)

«Хуҷанд» – «Ҳосилот» - 1:2

Голҳо: Наврӯз Рустамов, 41 (0:1). Манучеҳр Аҳмадов, 52 – аз пеналтӣ (1:1). Иброҳим Рабимов, 66 (1:2).

Огоҳонида шуданд: Диллшод Бозоров («Хуҷанд»), Ҳасан Рустамов, Содиқ Мӯсо («Ҳосилот»).

Аз майдон хориҷ шуд: Илҳомҷон Баротов («Хуҷанд»), 79 – корти дувуми зард.

Бозигари беҳтарини вохӯрӣ: Ҳикматулло Расулов («Ҳосилот»).

Сардовар: Сайёдҷон Зайниддинов (Душанбе).

26 октябр. Хуҷанд. Варзишгоҳи «20-солагии Истиқлолияти Тоҷикистон”.

Бозии аввал – 2:4.

«Равшан» – «Истиқлол» - 0:0

Сардовар: Хусрави Сиддиқзод (Душанбе).

Огоҳонида шуданд: Музаффар Назаров, Зариф Рустамов («Равшан»), Петро Ковалчук («Истиқлол»).

Бозигари беҳтарини вохӯрӣ: Сиёвуш Асроров («Истиқлол»).

Сардовар: Хусрави Сиддиқзод (Душанбе).

26 октябр. Кӯлоб. Варзишгоҳи марказӣ.

Бозии аввал – 0:4.

Мусобиқа барои Ҷоми Тоҷикистон сар аз соли 1992 барои бори 25-ум барпо шудааст. Ҳамагӣ 10 даста барандагони Ҷом гардидаанд. Аз ҳама бештар – 6 бор “Регар-ТадАЗ” Ҷоми Тоҷикистонро ба даст овардааст. “Истиқлол” панҷ бор ва “Хуҷанд” се бор барандагони Ҷом шудаанд.

“Вахш”-и Қӯрғонтеппа, “Варзоб”-и Душанбе ва “Парвоз” (собиқ “Авиатор”)-и Бобоҷон Ғафуров дуборӣ, “Помир”-и Душанбе, “Ситора”-и Душанбе, “Равшан”-и Кӯлоб ва “Пахтакор”-и ноҳияи Ҷаббор Расулов якборӣ Ҷоми Тоҷикистонро соҳиб гаштаанд.

Дар мавсими соли гузашта “Истиқлол” барои бори панҷум Ҷоми Тоҷикистонро ба даст оварда буд. Бозии ниҳоии Ҷоми Тоҷикистон-2015 байни дастаҳои “Истиқлол” ва “Регар-ТадАЗ”, ки рӯзи 28 ноябр дар Варзишгоҳи марказии пойтахти кишвар баргузор шуд, бо пирӯзии футболбозони Душанбе хотима ёфт.

Замони асосии бозӣ бидуни гол ба анҷом расид. Замони изофӣ – ду қисми 15-дақиқагӣ - бо ҳисоби мусовии 2:2 поён ёфт. Ғолиб тавассути силсилаи пеналтӣ муайян шуд. Дар иҷрои зарбаҳои 11-метрӣ кори футболбозони “Истиқлол” омад кард. “Истиқлол” аз рӯи пеналтӣ бо ҳисоби 6:5 ғолиб омад.

Натоиҷи ҳамаи бозиҳои ниҳоии Ҷоми Тоҷикистон:

1992 – «Помир» (Душанбе) – «Регар» (Турсунзода) – 1:0

1993 – «Ситора» (Душанбе) – «Равшан» (Кӯлоб) – 0:0. Аз рӯи пеналтӣ – 5:3

1994 – «Равшан» (Кӯлоб) – «Шодмон» (Ҳисор) – 2:1

1995 – «Пахтакор» (Ҷаббор Расулов) – «Регар-ТадАЗ» (Турсунзода) – 0:0. Аз рӯи пеналтӣ – 3:2

1996/1997 – «Вахш» (Қӯрғонтеппа) – «Хуҷанд» (Хуҷанд) – 4:0

1997/1998 – «Хуҷанд» (Хуҷанд) – «Ранҷбар» (Восеъ) – 2:1

1998 – «Варзоб» (Душанбе) – «Хуҷа Каримов» (Ғозималик) – 3:1

1999 – «Варзоб» (Душанбе) – «Регар-ТадАЗ» (Турсунзода) – 0:0. Аз рӯи пеналтӣ– 4:2

2000/2001 – «Регар-ТадАЗ» (Турсунзода) – «Варзоб» (Душанбе) – 4:2

2001/2002 – «Регар-ТадАЗ» (Турсунзода) – «Хуҷанд» (Хуҷанд) – 3:1

2002 – «Хуҷанд» (Хуҷанд) – «Вахш» (Қӯрғонтеппа) – 3:0

2003 – «Вахш» (Қӯрғонтеппа) – «Олимп-Ансол» (Кӯлоб) – 3:1

2004 – «Авиатор» (Бобоҷон Ғафуров) – «Ӯротеппа» (Истаравшан) – 5:0

2005 – «Регар-ТадАЗ» (Турсунзода) – «Вахш» (Қӯрғонтеппа) – 1:1. Аз рӯи пеналтӣ – 3:1

2006 – «Регар-ТадАЗ» (Турсунзода) – «Хима» (Душанбе) – 2:1

2007 – «Парвоз» (Бобоҷон Гафуров) – «Хима (Душанбе) – 1:0

2008 – «Хуҷанд» (Хуҷанд) – «Энергетик» (Душанбе) – 2:1

2009 – «Истиқлол» (Душанбе) – ССКА «Помир» (Душанбе) – 3:1

2010 – «Истиқлол» (Душанбе) – «Хуҷанд» (Хуҷанд) – 5:0

2011 – «Истиқлол» (Душанбе) – «Регар-ТадАЗ» (Турсунзода) – 0:1

2012 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналтӣ – 5:6

2013 – «Истиқлол» (Душанбе) – «Регар-ТадАЗ» (Турсунзода) – 2:0

2014 – «Истиқлол» (Душанбе) – «Регар-ТадАЗ» (Турсунзода) – 5:2

2015 – «Истиқлол» (Душанбе) – «Регар-ТадАЗ» (Турсунзода) - 2:2, аз рӯи пеналтӣ – 6:5

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG