Пайвандҳои дастрасӣ

Хабари нав

Ду медали варзишгарони тоҷик дар Олмон


Варзишгарони тоҷик дар мусобиқаи қаҳрамонии Аврупо оид ба шотокан-СКИФ каратэ-до дар Олмон ду медал ба даст оварданд.

Дар ин мусобиқа, ки рӯзҳои 9-11-уми май дар шаҳри Дрезден баргузор шуд, мунтахаби Точикистон бо шумули панҷ варзишгар таҳти раҳбарии Маҳмадулло Мирзоев, раиси Маркази рушди шотокан-СКИФ каратэ-дои Ҷумҳурии Тоҷикистон, барои аввалин бор ширкат кард.

Фозил Фозилов байни писарони синашон 13-14-сола оид ба кумите соҳиби медали тилло ва унвони қаҳрамони Аврупо гардид. Намояндаи дигари Тоҷикистон Аниса Ниёзова дар байни духтарони 14-15-сола оид ба кумите медали биринҷӣ ба даст овард. Варзишгарони тоҷик тавассути ҳавопаймо рӯзи 14-май бо хатсайри Берлин-Москва-Кӯлоб ба Тоҷикистон бармегарданд.

Дар ин бора ба радиои Озодӣ рӯзи 13-уми май Баҳром Ҳамидов, муовини раиси Маркази рушди шотокан-СКИФ каратэ-дои Тоҷикистон хабар дод. Вай афзуд, “Маркази рушди шотокан-СКИФ каратэ-дои Тоҷикистон расман соли 2012 дар Федератсияи шотокан-СКИФ каратэ-дои ҷаҳонӣ дар Токио ба кайд гирифта шудааст. Сарфи назар аз он ки Тоҷикистон ба ҳайати кишварҳои Осиё шомил аст, дастаи Шотокан-СКИФ каратэ-дои Тоҷикистон расман аз ҷониби Федератсияи шотокан-СКИФ-и Аврупо ба ин мусобиқаи бонуфуз даъват шуда буд.”

Шарҳҳоро бинед (2)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG