Пайвандҳои дастрасӣ

Хабари нав

Лигаи олӣ: Пирӯзии “Регар” ва “Истаравшан”


Шоми чоршанбеи 23-юми октябр ду бозии мавқуфгузоштаи даври 15-уми мусобиқоти қаҳрамонии лигаи олии футболи Тоҷикистон баргузор шуд.

Дастаи Регар-ТадАЗ»-и Турсунзода дар майдони худ, варзишгоҳи “Металлург, дар ҳузури 3000 тамошобин бар тими «Энергетик»-и Душанбе бо ҳисоби бузурги 4-1 ғалаба кард. Голҳоро аз дастаи ғолиб Шодибек Ғаффоров (дақиқаи 8-ум), Хуршед Маҳмудов (22), Фирӯз Раҳматов (ду гол, дақиқаҳои 48-ум ва 55-ум) заданд. Як голи меҳмононро Адо Патрик, легионери нави африқоии “Энергетик” аз Гана, дар дақиқаи 76-ум ба ҳадаф расонд.

Дар бозии дигар дастаи «Истаравшан»-и Истаравшан дар майдони худ дар ҳузури 6000 мухлис бар тими «Вахш»-и Қӯрғонтеппа бо ҳисоби 1-0 пирӯз шуд. Тӯбро Илҳом Баротов дар дақиқаи 85-ум ба дарвозаи меҳмонон ворид кард. Дарвоқеъ, ин аввалин ғалабаи “Истаравшан” дар мусобиқоти имсола мебошад.

Дар ҳамин ҳол дар ҷадвали мусобиқот "Равшан"-и Кӯлоб бо 34 имтиёз дар ҷойи аввал аст. “Истиқлол"-и Душанбе, ки нисбат ба рақиби аслиаш барои дарёфти унвони қаҳрамонӣ як бозӣ бештар гузарондааст, бо 33 имтиёз дар ҷойи дувум мебошад. «Хайр»-и Ваҳдат бо 26 имтиёз дар ҷойи севум ва “Регар-ТадАЗ”-и Турсунзода бо 23 имтиёз дар ҷойи чорум қарор доранд.

Мавқеи дастаҳо дар ҷадвали мусобиқот

Ҷ Дастаҳо Б Ғ М Б Тӯбҳо И
1. «Равшан» 12 11 1 0 18-3 34
2. «Истиқлол» 13 11 0 2 37-6 33
3. «Хайр» 14 7 5 2 22-13 26
4. «Регар-ТадАЗ» 13 7 2 4 18-14 23
5. «Энергетик» 14 4 3 7 13-19 15
6. «Хуҷанд» 13 3 5 5 11-15 14
7. «Парвоз» 12 3 4 5 10-19 13
8. «Вахш» 12 2 2 8 4-12 8
9. ССКА «Помир» 13 1 4 8 7-17 7
10. «Истаравшан» 12 1 2 9 7-29 5

Нишонзанҳои беҳтарин: Ҳусейни Сӯҳробӣ («Хайр”/ ”Истиқлол”) – 11тӯб, Дилшод Восиев («Истиқлол») – 7 тӯб, Ҷаҳонгир Эргашев (“Истиқлол”), Александр Кудряшов («Истиқлол») ва Мирзобек Мирзоев (“Хайр”) – 5-тӯбӣ.

Даври 18-ум
26-уми октябр (шанбе)
Оғози бозиҳо – соати 15:00

«Истаравшан» - «Хуҷанд»
«Равшан» - ССКА «Помир»
«Вахш» - «Парвоз»
«Истиқлол» - «Энергетик»

Шарҳҳоро бинед (8)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG