Пайвандҳои дастрасӣ

Хабари нав

“Истиқлол” қаҳрамони Қирғизистонро шикаст дод


Дастаи Истиқлол”-и Душанбе, қаҳрамони Тоҷикистон, дар бозии даври сеюми марҳилаи гурӯҳии Ҷоми AFC (Конфедератсияи футболи Осиё)-2017 дар гурӯҳи “D” тими “Олой”-и Ӯш, қаҳрамони Қирғизистонро бо ҳисоби 3:1 шикаст дод. Ин бозӣ шаби 18 апрел дар Варзишгоҳи марказии Душанбе бо ҳузури беш аз 14 ҳазор тамошобин баргузор шуд.

Дар нимаи аввали дидор (дақиқаи 45+1) сардовари ин бозӣ Хироюки Кимура (Ҷопон) барои дар ҷаримагоҳ аз по афтондани ҳимоятгари “Истиқлол” Дэвид Мавутор ба дарвозаи меҳмонон ҷаримаи 11-метрӣ таъин кард. Тӯбро аз пеналтӣ нимҳимоятгар Нуриддин Давронов, ба ҳадаф расонд. Нимаи аввали бозӣ бо пирӯзии мизбонон бо ҳисоби 1:0 хотима ёфт.

Дар нимаи дувуми дидор, дар дақиқаи 59-ум, ҳамлагари меҳмонон Алиа Силла, легионери африқоӣ аз Гвинея, ҳисобро баробар кард. Баъдан Девид Мавутор, легионери африқоӣ аз Гана, дар дақиқаи 68-ум ва Дилшод Восиев дар дақиқаи 89-ум (ҳарду бо зарбаи сар) ба дарвозаи “Олой”, ки онро Абдуазиз Маҳкамов, узви дастаи мунтахаби миллии футболи Тоҷикистон, ҳимоят мекард, ду гол зада, бозиро ба нафъи “Истиқлол” бо ҳисоби 3:1 анҷом доданд.

Дар бозии дигари гурӯҳи “D” дастаи “Олтин Асир”-и Ишқобод, қаҳрамони Туркманистон, дар меҳмонӣ тими “Дордой”-и Бишкек, ҷоизадори нуқраи қаҳрамонии Қирғизистонро бо ҳисоби 2:0 мағлуб кард. Голҳоро Мурод Яхшиев дар дақиқаи 43-юм ва Олтимурод Аннадурдиев дар дақиқаи 85-ум ба самар расонданд.

Баъди натиҷагирии се даври мусобиқа дар гурӯҳи “D” дастаҳои “Истиқлол” ва “Олтин Асир” ҳафтимтиёзӣ ба даст овардаанд. Бо назардошти таносуби беҳтари тӯбҳо “Истиқлол” (6-2) дар мақоми аввал ва “Олтин Асир” (5-2) дар мақоми дувум қарор доранд. Дастаи “Дордой” бо се имтиёз дар мақоми севум аст. Тими “Олой” бидуни имтиёз дар зинаи охирин – чаҳорум – ҷойгир шудааст.

Дар даври чоруми марҳилаи гурӯҳии Ҷоми AFC, ки 3 май барпо мегардад, «Истиқлол» дар меҳмонӣ бо «Олой» вориди рақобат мешавад. Дар бозии дигари ин гурӯҳ «Олтин Асир» дар майдони худ бо “Дордой” рақобат хоҳад кард.

Ҷоми AFC-2017

Минтақаи марказӣ. Гурӯҳи «D». Даври 3-юм

«Истиқлол» (Тоҷикистон) – «Олой» (Қирғизистон) – 3:1

Голҳо: Нуриддин Давронов, 45+1 – аз пеналтӣ (1:0). Алия Силла, 59 (1:1). Дэвид Мавутор, 68 (2:1). Дилшод Восиев, 89 (3:1).

«Истиқлол» (Душанбе, Тоҷикистон): Никола Стошич, Сиёвуш Асроров (Фарҳод Восиев, 90+2), Артём Барановский, Аҳтам Назаров, Амирбек Ҷӯрабоев, Нуриддин Давронов, Дэвид Мавутор, Ҷаҳонгир Алиев, Фатҳулло Фатҳуллоев, Манучеҳр Ҷалилов (Дилшод Восиев, 85), Дмитрий Барков.

«Олой» (Ӯш, Қирғизистон): Абдуазиз Маҳкамов (Маратбек Мамасодиқов, 74), Илёс Олимов, Нурсултон Отамирзоев, Одилҷон Абдураҳмонов, Модибо Сидибе, Алия Силла, Мақсадбек Олимов (Умарбек Тухтасинов, 80), Акрамҷон Умаров, Бакибек Маматов, Аброр Қодиралиев, Шӯҳрат Раҳмонов.

Огоҳонида шуданд: Дмитрий Барков, Ҷаҳонгир Алиев («Истиқлол»), Абдуазиз Маҳкамов, Модибо Сидибе, Бакитбек Маматов («Олой»).

Бозигари беҳтарини дидор: Дэвид Мавутор («Истиқлол»).

Сардовар: Хироюки Кимура (Ҷопон).

Нозири доварон: Хакан Аназ (Автралия).

Комиссари бозӣ: Доктор Бачир Абдул Холиқ (Лубнон).

18 апрел. Душанбе. Варзишгоҳи марказии ҷумҳуриявӣ. 14 500 тамошобин.

«Дордой» (Қирғизистон) – «Олтин Асир» (Туркманистон) – 0:2

Голҳо: Мурод Яхшиев, 43 (0:1). Олтимурод Аннадурдиев, 85 (0:2).

Тӯбро аз пеналтӣ ба ҳадаф нарасонд: Арсланмурод Амонов («Олтин Асир»), 18 – тӯб ба сутуни дарвоза бархӯрд.

18 апрел. Бишкек. Варзишгоҳи ба номи Долен Умурзоқов. 3000 тамошобин.

Мавқеи дастаҳо дар ҷадвали гурӯҳи “D

Ҷ

ДАСТАҲО

Б

Ғ

М

Б

Т

И

1

«Истиқлол» (Тоҷикистон)

3

2

1

0

6-2

7

2

«Олтин Асир» (Туркманистон)

3

2

1

0

5-2

7

3

«Дордой» (Қирғизистон)

3

1

0

2

1-4

3

4

«Олой» (Қирғизистон)

3

0

0

3

2-6

0

Ҷоми AFC-2017
Гурӯҳи "D". Минтақаи марказӣ

Даври 1-ум
14 март (сешанбе)
«Истиқлол» (Тоҷикистон) – “Дордой” (Қирғизистон) – 2:0
«Олой» (Қирғизистон) – «Олтин Асир» (Туркманистон) – 1:2

Даври 2-юм
4 апрел (сешанбе)
«Олтин Асир» (Туркманистон) – «Истиқлол» (Тоҷикистон) – 1:1
“Дордой” (Қирғизистон) – «Олой» (Қирғизистон) -1:0

Даври 3-юм
18 апрел (сешанбе)
«Истиқлол» (Тоҷикистон) – «Олой» (Қирғизистон) – 3:1
“Дордой” (Қирғизистон) – «Олтин Асир» (Туркманистон) – 0:2

Даври 4-ум
3 май (чоршанбе)
«Олой» (Қирғизистон) – «Истиқлол» (Тоҷикистон)
«Олтин Асир» (Туркманистон) – “Дордой” (Қирғизистон)

Даври 5-ум
17 май (чоршанбе)
“Дордой” (Қирғизистон) – «Истиқлол» (Тоҷикистон)
«Олтин Асир» (Туркманистон) – «Олой» (Қирғизистон)

Даври 6-ум
31 май (чоршанбе)
«Истиқлол» (Тоҷикистон) – «Олтин Асир» (Туркманистон)
«Олой» (Қирғизистон) – “Дордой” (Қирғизистон)

Шарҳҳоро бинед (6)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG