Пайвандҳои дастрасӣ

Мунтахаби футзали Тоҷикистон Иморотро шикаст дод


акс аз вебсайти ФФТ

Дастаи мунтахаби футзали Тоҷикистон таҳти раҳбарии сармураббӣ Ҳусейн Шодиев дар бозии дӯстона бар тими миллии Имороти Муттаҳидаи Араб бо ҳисоби 4:2 пирӯз шуд.

Ин бозии контролӣ дар доираи омодагии мунтахаби Тоҷикистон ба мусобиқаи интихобии қаҳрамонии Осиё-2018 рӯзи 11-уми сентябр дар шаҳри Шарҷа, дар маҷмааи варзишии «Ал-Шааб», баргузор шуд. Дар таркиби мунтахаби Тоҷикистон Файзалӣ Сардоров ду гол, Дилшод Саломов ва Шавкат Ҳалимов якголӣ заданд.

Бино ба иттилои дафтари матбуоти Федератсияи футболи Тоҷикистон, бозии ҷавобии ин дастаҳо, ки бар асоси нақша бояд 12-уми сентябр дар Шарҷа доир мешуд, бинобар ширкати мунтахаби футзали Имороти Муттаҳидаи Араб дар Бозиҳои V Осиё дар иншооти сарпӯшида ва ҳунарҳои размӣ дар Ишқободи Туркманистон лағв гардид.

Бояд гуфт, ки дар мусобиқаи интихобии қаҳрамонии Осиё-2018, ки соли равон дар шаҳри Табризи Эрон доир хоҳад шуд, мунтахаби Тоҷикистон бо дастаи Афғонистон (16-уми октябр) ва қаҳрамони бисёркаратаи Осиё - мунтахаби Эрон (17-уми октябр) рақобат мекунад. Аз ин гурӯҳ ду даста ба марҳилаи ниҳоии қаҳрамонии Осиё, ки аз 6-ум то 18-уми феврали соли 2018 дар Тайван баргузор мешавад, роҳхат мегирад.

Футзал. Бозии дӯстона

Имороти Муттаҳидаи Араб – Тоҷикистон – 2:4

Голҳои Тоҷикистон: Файзалӣ Сардоров (2), Дилшод Саломов, Шавкат Ҳалимов.

Тоҷикистон (панҷгонаи ибтидоӣ): Муродулло Алиқулов – Дилшод Саломов, Файзалӣ Сардоров, Мансур Эргашев (капитан), Некрӯз Алиаҳмадов.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG