Таронаи “Закия”-и Фаридуни Хуршед, овозон ва ҳамсари Фарзонаи Хуршед, бо забони испониёӣ ба бозор ироа хоҳад шуд. Фаридун ин таронаашро дар ҳамовозӣ бо Исаак Реал, овозхоне аз Испония, иҷро карда, клипашро дар шаҳри Тошканд ба навор гирифтааст.
Фаридуни Хуршед рӯзи 2 август дар сӯҳбат бо Радиои Озодӣ гуфт, пешниҳоди ҳамкорӣ дар лоиҳаи нав аз ҷониби Исаак Реал сурат гирифта, тамоми хароҷоти сабти клипро ҳам ӯ ба уҳда доштааст. Диловари Мизроб, продюсери Фаридуни Хуршед, гуфт, Исаак бори аввал оҳанги “Закия”-ро дар яке аз озмунҳои мусиқӣ дар Қазоқистон шунида, баъдан пешниҳоди ҳамкориро додааст.
Диловари Мизроб гуфт, “дар барномаи “Топ Интернешнл” дар Қазоқистон Фаридун ҷойи аввалро гирифт ва Исаак бо як суруд иштирок дошт. Ҳамон ҷо таронаи “Закия”-ро шунидааст ва моҳи январи соли ҷорӣ ба мо хабар расонд, ки мехоҳад ҳамкорӣ кунад. Ҳадаф аз сабти клипи нав омезиши оҳанги Амрикои Лотинӣ бо тоҷикӣ буд.”
Фаридуни Хуршед мегӯяд, Исаак дар сӯҳбатҳое, ки дар ҷараёни ба наворгирии клип дошт, гуфтааст бештар аз ҳама оҳанги ин тарона барояш писанд омадааст. “Вай аз чанд таронаи дигар ҳам таъриф кард, аммо маҳз оҳанги “Закия” бо сабку услуби ӯ мувофиқ будааст ва хост, ки ҳамин таронаро дар ҳамовозӣ иҷро кунем,” – афзуд ӯ.
Баъдан бо ёрии Фаридун ҳамтои ӯ аз Испониё бо мӯҳтавои ин оҳанг ошно шуда, порае аз онро бо забони худ тарҷума кардааст. Фаридун мегӯяд, “то замони оғози ҳамкорӣ мо бо якдигар ғоибона шинос будем. Садои хуб дошт, таронаҳояш ба ман маъқул буданд.”
Клипи нав ва якҷояи ду овозхон омодаи нашр аст ва рӯзҳои наздик дар Тоҷикистону Испониё пешниҳоди мухлисон хоҳад шуд. Фаридун мегӯяд, ки ин нахустин ҳамкорӣ ва таронаи дугонаи ӯ бо Исаак нахоҳад буд ва онҳо нақшаи идомаи ҳамории якҷояро доранд. Дар мавриди сабти клип дар Тошканд Фаридун мегӯяд, дар Узбакистон шароити наворбардории клип дар сатҳи ҷаҳонӣ фароҳам аст ва бинобар ин онҳо ин кишварро барои наворбардорӣ интихоб кардаанд.
Фаридуни Хуршед бо таронааш “Закия” дар ҳамовозӣ бо Исаак, ба ҷашнвораи “Womex - 2016” даъват шудааст, ки қарор аст 20 октябри соли равон дар Мадриди Испониё баргузор шавад.
Овозхон Фаридуни Хуршед соли 2011 ба рӯи саҳна омад ва худро бо таронаи “Эмануэла” муаррифӣ кард. Ӯ соҳиби як маҷмӯаи таронаҳо бо номи “Азизи ман” буда, соли гузашта барандаи ҷоизаи Big Apple Music Awards шуд. Баъдан хабари издивоҷи вай бо Фарзонаи Хуршед расонаи шуд. Онҳо гуфта буданд, издивоҷашонбидуни сарусадои зиёд сурат гирифтааст. Исми нахустфарзанди Фаридун ва Фарзонаи Хуршед ҳам Закия аст ва ӯ тобистони соли 2015 дар шаҳри Душанбе ба дунё омадааст.
Худуш худша бо корд назадаст Ки задай набоша
Пресс конференсияи ГЭС и Рогун кай бошад. АЗ ЖУРНАЛИСТОН ИЛТИМОС агар шавад пурсед, ки маоша кай медиханд, аз мохи феврал бечорахо кормандон маош нагирифтаанд мегуянд.
Эрон гуфт: Тоҷикистони имрӯза бахше аз Эрон аст. Айнан ҳаминро метавон дар бораи юнониҳо, муғулҳо ва русҳо баён кард ва ин дар таърих дуруст аст.Тоҷикистон имрӯз як кишвари мустақили мустақил аст ва масъалаи сарҳад як масъалаи таърихист, ки тақрибан ҳар як кишвари соҳибихтиёр имрӯз дучор мешавад. Озарбойҷон ва Арманистон, Туркия ва Юнон, Русия ва Украина, Чин ва Русия ... Тоҷикистони имрӯза бояд на аз истифодаи фанатизми миллатгароӣ баҳсҳои минтақавӣ бо кишварҳои ҳамсояро баррасӣ кунанд. Тоҷикистонро баракат деҳ, тоҷиконро баракат деҳ.
Э лекин хеч нафахмидем. Одамора ранги гуспанд карден ба худо.
Табрик