Пайвандҳои дастрасӣ

Хабари нав

"Равшан" дар Кӯлоб ҳам шикаст хӯрд. Бо ҳисоби бузурги 2:5


Дастаи «Равшан»-и Кӯлоб дар даври навбатии мусобиқоти қаҳрамонии футболи Тоҷикистон дар майдони худ аз тими «Парвоз»-и Бобоҷон Ғафуров бо ҳисоби бузурги 2-5 шикаст хӯрд.

Ин бозии мавқуфгузоштаи даври аввали мусобиқаи қаҳрамонии лигаи олии футболи Тоҷикистон, ки дар Варзишгоҳи марказии шаҳри Кӯлоб бо ҳузури 4500 тамошобин баргузор шуд, шоми имрӯз, 7-уми май, поён ёфт.

Панҷ голи «Парвоз»-ро Юсуф Рабиев (6), Маъруф Умаров (23), Ҷаҳонгир Алиев (38) ва Фарҳод Тоҳиров (40, 66) заданд. Ду голи «Равшан»-ро Наврӯз Рустамов (14, аз пеналтӣ) ва Индус Ҳусейнов (85) ба ҳадаф расонданд.

Бояд гуфт, ки дар дақиқаи 36-уми бозӣ сардовар Баҳром Саъдуллоев аз шаҳри Қӯрғонтеппа бозигари «Равшан» Фаридун Рустамовро барои дағалона вайрон кардани қоидаи бозӣ аз майдон хориҷ кард.

Бозиҳои даври чоруми мусобиқаи лигаи олӣ рӯзҳои 10-11-уми май баргузор мешаванд. Се бозӣ рӯзи шанбе байни дастаҳои «Истиқлол» (Душанбе) – «Хуҷанд» (Хуҷанд), «Вахш» (Қӯрғонтеппа) – «Парвоз» (Бобоҷон Ғафуров) ва «Регар-ТадАЗ» (Турсунзода) – «Равшан» (Кӯлоб) барпо мегардад.

Ду бозии дигари даври чорум рӯзи якшанбе миёни тимҳои «Далерон-Ӯротеппа» (Истаравшан) – ССКА «Помир» (Душанбе) ва «Энергетик” (Душанбе) – “Хайр” (Ваҳдат) сурат мегирад.

Чемпионати Тоҷикистон. Лигаи олӣ
Бозии мавқуфгузоштаи даври 1-ум
7-уми май, чоршанбе.
«РАВШАН» - «ПАРВОЗ» - 2-5
Голҳо: Юсуф Рабиев (6), Маъруф Умаров (23), Ҷаҳонгир Алиев (38), Фарҳод Тоҳиров (40, 66) – «Парвоз», Наврӯз Рустамов (14, аз пеналтӣ), Индус Ҳусейнов (85) – «Равшан».


Кӯлоб, Варзишгоҳи марказӣ. 4500 тамошобин.
Сардовар: Баҳром Саъдуллоев (Қӯрғонтеппа).

Даври 4-ум
10-уми май, шанбе. Оғози бозӣ – соати 18:00
«ИСТИҚЛОЛ» - «ХУҶАНД»
Душанбе, Варзишгоҳи марказии ҷумҳуриявӣ.
Сардовар: Парвиз Муртазоев (Душанбе).

Оғози бозиҳо – соати 17:00
«ВАХШ» - «ПАРВОЗ»
Қӯрғонтеппа, варзишгоҳи «Пахтакор».
Сардовар: Сайёдҷон Зайниддинов (Душанбе).

«РЕГАР-ТАДАЗ» - «РАВШАН»
Турсунзода, варзишгоҳи «Металлург».
Сардовар: Диловаршох Орзуев (Ҳисор).

11-уми май, якшанбе. Оғози бозиҳо – соати 17:00
«ДАЛЕРОН-ӮРОТЕППА» - ССКА «ПОМИР»
Истаравшан, Варзишгоҳи марказӣ.
Сардовар: Равшан Ишматов (Қӯрғонтеппа).

«ЭНЕРГЕТИК» - «ХАЙР»
Душанбе, майдони сунъии Варзишгоҳи марказии ҷумҳуриявӣ.
Сардовар: Диловаршоҳ Орзуев (Ҳисор).

Мавқеи дастаҳо дар ҷадвали мусобиқа
Ҷ Дастаҳо БҒМБТИ
1.«Истиқлол»32106-27
2.«Парвоз»32017-46
3.«Энергетик»31204-35
4.«Хуҷанд»31202-15
5.«Регар-ТадАЗ»31114-24
6.«Хайр»31116-54
7.«Вахш»31021-23
8.«Равшан»31024-83
9.«Далерон-Ӯротеппа»30211-42
10.ССКА «Помир»30122-61
Нишонзанҳои беҳтарин: Хуршед МАҲМУДОВ («Истиқлол») – 4 тӯб, Мирзобек МИРЗОЕВ («Хайр»), Ҳасан РУСТАМОВ («Энергетик»), Комрони МИРЗОХОН ва Фарҳод ТОҲИРОВ (ҳарду - «Парвоз»), Фирӯз РАҲМАТОВ («Регар-ТадАЗ») – 2-тӯбӣ

Шарҳҳоро бинед (15)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG