Пайвандҳои дастрасӣ

Хабари нав

Вазъи саломатии нимҳимоятгари "Регар" беҳбуд меёбад


Раҳмоналӣ Баротов, нимҳимоятгари "Регар-ТадАЗ" дар бемористон

Раҳмоналӣ Баротов, нимҳимоятгари дастаи "Регар-ТадАЗ"-и Турсунзода, дар як садамаи нақлиётӣ сахт ҷароҳат бардошта буд.

Раҳмоналӣ Баротов, нимҳимоятгари дастаи футболи Лигаи олии Тоҷикистон - "Регар-ТадАЗ"-и Турсунзода, дар як садамаи нақлиётӣ сахт маҷрӯҳ шудааст.

Дар торнамои бошгоҳи футболи «Регар-ТадАЗ» хабар дода шудааст, ки баъд аз зуҳри рӯзи 1-уми ноябр Раҳмоналӣ Баротов дар мошини худ дар наздикии шаҳри Қӯрғонтеппа ба садамаи нақлиётӣ дучор шуд.

Дар натиҷаи ин ҳодисаи нохуш ӯро бо ҷароҳати вазнини мағзи сар ба шӯъбаи реаниматсионӣ ё эҳёгарии беморхонаи клиникии шаҳри Қӯрғонтеппа бурданд ва дар он ҷо футболбозро ҷарроҳӣ карданд. Ба гуфтаи пизишкон, ҳоло саломатии ӯ рӯз ба рӯз беҳтар мешавад.

Нимҳимоятгар Раҳмоналӣ Баротови 25-сола, қаҳрамони дукаратаи кишвар ва барандаи чаҳоркаратаи Ҷоми Тоҷикистон, барандаи дукаратаи Ҷоми раиси АФК буда, ба ғайр аз тими «Регар-ТадАЗ» дар дастаҳои «Вахш» (Қӯрғонтеппа), «Хайр» (Ваҳдат) бозӣ кардааст. Оиладор, соҳиби чаҳор фарзанд мебошад.

Шарҳҳоро бинед (7)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG