Пайвандҳои дастрасӣ

Хабари нав

Майкл Ҷордан сарватмандтарин варзишгари дунё


Баскетболбози амрикоӣ Майкл Ҷордани 54-сола дар рӯйхати 25 варзишгари бойтарини ҳамаи давру замон аз рӯи ривояти маҷаллаи Forbes мақоми аввалро касб намудааст. Дар ин бора хабаргузории INTERFAX.RU иттилоъ додааст.

Бар асоси рейтинг ё феҳристе, ки дар сомонаи маҷаллаи Forbes нашр шудааст, Майкл Ҷордан дар тамоми карйераи худ $1,85 млрд фоида кардааст.

Майкл Ҷордан 17-уми феврали соли 1963 дар Бруклини ИМА таваллуд шудааст. Ин бозигари афсонавии Ассотсиатсияи миллии баскетбол (NBA) дар дастаҳои «Чикаго Буллз» (1984−1993, 1995−1998), «Вашингтон Уизардс» (2001−2003) ҳунарнамоӣ кардааст. Ӯ ғолиби шашкаратаи NBA мебошад. Дар ҳайати дастаи мунтахаби ИМА Ҷордан ду бор (1984, 1992) қаҳрамони олимпӣ гардидааст.

Ба сегонаи варзишгарони бойтарин аз рӯи ривояти Forbes ба ҷуз Ҷордан ҳамватанҳои ӯ голфбозон Тайгер Вудс ($1,7 млрд) ва Арнолд Палмер ($1,4 млрд) дохил шудаанд.

Дар байни футболбозон собиқ бозигари мунтахаби Англия Дэвид Бекҳэм бо $800 млн бойтарин мебошад. Ӯ ва баскетболбози амрикоӣ Коби Брайант дар рейтинг ҷойи ҳафтумро ишғол кардаанд.

Криштиану Роналдуи португалӣ, ки чанд рӯз пеш бори панҷум барандаи «Тӯби тиллоӣ» гардид, дар рейтинг дар ҷойгоҳи 12-ум ($725 млн) қарор дорад. Лионел Мессии аргентинӣ, ки инчунин панҷ бор «Тӯби тиллоӣ»-ро ба даст овардааст, мақоми 16-умро соҳиб шудааст ($600 млн).

Коршиносони маҷалла тамоми даромади варзишгаронро (маош, подош ва ҷоизаҳо, инчунин даромад аз қарордодҳои таблиғотӣ) бо назардошти таворруми пул аз рӯи ҳолати то 1-уми июни соли 2017 қиёс кардаанд.

Топ-25 варзишгари бойтарини замони муосир

1. Майкл Ҷордан (баскетбол) ($ 1,85 млрд)
2. Тайгер Вудс (голф) – $ 1,7 млрд
3. Арнолд Палмер (голф) – $ 1,4 млрд
4. Ҷек Никлаус (голф) – $ 1,2 млрд
5. Михаэл Шумахер (Формула 1) — $ 1 млрд
6. Фил Микелсон (голф) – $ 815 млн
7. Коби Брайант (баскетбол) – $ 800 млн
7. Дэвид Бекҳэм (футбол) – $ 800 млн
9. Флойд Мейвезер-хурдӣ (бокс) – $ 785 млн
10. Шакил О’Нил (баскетбол) – $ 735 млн
11. Леброн Ҷеймс (баскетбол) – $ 730 млн
12. Криштиану Роналду (футбол) – $ 725 млн
13. Грег Норман (голф) – $ 705 млн
14. Майк Тайсон (бокс) – $ 700 млн
15. Роҷер Федерер (теннис) — $ 675 млн
16. Лионел Месси (футбол) — $ 600 млн
17. Алекс Родригес (бейсбол) — $ 575 млн
18. Ҷефф Гордон (пойгаи автомобил) — $ 525 млн
19. Оскар де ла Ҳойя (бокс) — $ 520 млн
20. Мэнни Пакяо (бокс) — $ 510 млн
21. Дерек Ҷитер (бейсбол) — $ 490 млн
22. Пейтон Мэннинг (футболи амрикоӣ) — $ 480 млн
22. Кевин Гарнетт (баскетбол) – $ 480 млн
24. Эвандер Ҳолифилд (бокс) — $ 475 млн
25. Андре Агасси (теннис) — $ 470 млн.

Шарҳҳоро бинед (4)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG