Пайвандҳои дастрасӣ

Тасвири хабарнигори қирғиз: "Душанбе як хонаводаи хоксори тифоқ" САДО


Tajikistan. Dushanbe. Covered market. Score. Fig. Photo of Sultan Kanazarov.

Хабарнигор ва сухангӯи собиқи Роза Отунбоева, раиси ҷумҳури пешини Қирғизистон дар сафаргуфтае шаҳри Душанберо “як хонаводаи аҳлу тифоқ” номидааст, ки ба қавли вай, ба фарқ аз пойтахти ватани ӯ, дигаргуна пешрафт мекунад.

Султон Қаназаров, ки чанде пеш аз Душанбе баргаштааст, мегӯяд, “Вақте ба Тоҷикистон меоед, чунин эҳсос мекунед, меҳмони хонаводае шудед, ки саҳни ҳавлиашонро ҷорӯб задаанд, зиндагии хоксорона доранд, фарзандонаш либосҳои оддиву покиза мепӯшанд, дастурхонашон ҳам хоксорона аст, вале ҳамаашон табассум мекунанд.”

Фарқи хонасозӣ дар Душанбе аз Бишкек

Хабарнигори қирғиз мегӯяд, ба Тоҷикистон бисёр сафар кардааст, вале сафари охираш фақат барои тамошо буд. Ӯ мегӯяд, ҳар вақте ки ба Душанбе меояд, “шоҳиди тараққиёти муназзами Душанбе мешавад, ки раисаш Рустами Эмомалӣ, фарзанди раиси ҷумҳур Эмомалӣ Раҳмон аст, ки зоҳиран ба писараш тавсия медиҳад, чӣ кор кунад ва ба хато роҳ надиҳад.”

Акси Султон Қаназаров
Акси Султон Қаназаров

Ба қавли Султон Қаназаров, Душанбе мисли Бишкек нест, ки кӯчаҳояш амудиву уфуқӣ ҳастанд ва дар онҳо аслан гум намешавед. “Душанбе шаҳри кӯҳна аст, ки роҳҳои каҷу печида зиёд дорад ва шумо аз назди ҷое, ки лозим доред, мегузаред, вале ҳеҷ роҳе ба он намебарад.”

Дигар чизе,ки хабарнигори қирғиз мушоҳида кардааст, бунёди хонаҳои баландошёнаи зиёд дар Тоҷикистон аст, ки сохтмони онҳо беист идома мекунад ва талабгорони асосӣ ҳам муҳоҷирони кории тоҷик ҳастанд, ки мисли ҳамсояҳои қирғизашон дар Русия кор мекунанд ва пул мефиристанд.

Сафаргуфтаи хабарнигори қирғиз бо забони русӣ ва видео инҷост

Султон Қаназаров, вижагии ба қавли ӯ “хуби” хонасозӣ дар Душанберо зикр карда ва гуфтааст, ки дар инҷо боғҳову роҳҳоро вайрон намекунанду бино намесозанд, баръакс биноҳо дар ҷойи хонаҳои қадимаву кӯҳна ва кулбаҳои гиливу сталинӣ қомат меафрозанд.

Қурутобу палав ва думшӯрбо

Бахши дигари сафаргуфтаҳои хабарнигори қирғиз, дар бораи ғизоҳои тоҷикону ресторанҳои Душанбе аст. Ба гуфтаи ӯ ҳар касе, ки Тоҷикистон меравад, аз гуногунии навъи хӯрокҳо дар онҷо ба ҳайрат меафтад, “сар аз хӯрокҳои миллӣ то ба итолиёвӣ”.

Акси Султон Қаназаров
Акси Султон Қаназаров

Султон Қаназаров, қурутобро тасвир карда ва палави тоҷикиро мутавофит аз палавҳои дигар кишварҳои Осиёи Марказӣ номидааст, чун ба гуфтаи ӯ, равғану чарби зиёд надорад.

Ба хабарнигори қирғиз ҳамчунин “думшурбо” хуш омадааст, ки менависад, “хӯроки хушмазаттарини аввалин, ки дар ресторанҳои миллӣ ба шумо медиҳанд, думшурбо аст."

Ба қавли ӯ, ба фарқ аз Бишкек дар Душанбе, ресторанҳои аврупоӣ камтар ҳастанд ва “онҳое, ки ба Тоҷикистон меоянд, бояд аз хӯрокҳои тоҷикӣ лаззат баранд, ки таърихи ҳазорсола доранд.”

Султон Қаназаров бозорҳои Душанберо қобили муқоиса бо бозорҳои Бишкек намешуморад ва мегӯяд, агар тағйири бозорҳо дар пойтахти Тоҷикистонро бубинед, ҳайратзада мешавед.

лутфан мунтазир бошед

### Феълан кор намекунад ###

0:00 0:04:17 0:00
Линки мустақим

Хабарнигор зоҳиран бозори “Меҳргон”- ро мисол овардааст, ки “бозори пӯшида, мармарӣ ва сетабақа ва мисли супермаркет аст”. Ба қавли ӯ, дар бозорҳои Тоҷикистон маҳсулоте ба мисли навъҳои гуногуни анҷир, харбузаву тути хушк ва дигар маҳсулотеро мебинед, ки дар Бишкек дида намешавад.

Шаҳри боғҳову гулгаштҳо

Хабарнигор дар идомаи сафаргуфтаҳояш пойтахти Тоҷикистонро “Шаҳри боғу гулгаштҳо ва фаввораҳо” номида ва гуфтааст, дар сарсабз сохтани Душанбе тамоми меъёрҳои кишоварзӣ риоят мешавад. “Дар Душанбе атрофи тамоми дарахтҳоро мисли Бишкек бетон нарехтаанд ва онҳоро об медиҳанду нигоҳубин мекунанд.”

Акс аз Султон Қаназаров
Акс аз Султон Қаназаров

Дар боғҳои фарҳангу фароғатӣ ба гуфтаи ӯ, метавон дид, ки чӣ гуна аҳолии Тоҷикистон босуръат меафзояд. Ӯ гаштугузори модарони зиёд ва кӯдаконашон дар ин боғҳоро мисол оварда ва гуфтааст, “Шарҳи ҳоли мақомодорони тоҷикро хондаам, ки аксарияташон аз 6 то 7 кӯдак доранд, баръакси элитаи сиёсии Қирғизистон, ки ду ва ё се кӯдакӣ доранд.”

Султон Қаназаров дар охири сафаргуфтаҳояш навиштааст, “Шумо бо хондани навиштаҳои ман, фикр накунед, ки Тоҷикистон кишвари сарватманде аст, ки аз дидани пойтахташ чунин тасаввур ҳосил мешавад. Чунин нест, Тоҷикистон кишвари дар ҳоли рушд аст, ки иқтисодаш айни дигар кишварҳои минтақа мушкилот дорад ва худи кишвар аз назари тавлидоти нохолиси миллӣ дар Осиёи Марказӣ дар мақоми охирин меистад."

Назари шумо ба гуфтаҳои хабарнигори қирғиз чист? Ба мо нависед, зери ҳамин мақола ва ё аз тариқи Вайбер, Вотсапп, ИМО ва Телеграмм. Ба ин рақам +420 724 053 959

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG