Пайвандҳои дастрасӣ

Хабари нав

М. Ҳабибуллоев - сармураббии мунтахаби ҷавонони Тоҷикистон


Маҳмадҷон Ҳабибуллоев.

Маҳмадҷон Ҳабибуллоев, собиқ сармураббии«Регар-ТадАЗ»-и Турсунзода, сармураббии мунтахаби ҷавонони футболи Тоҷикистон (U-21) таъин шуд.

Маъруф Рустамов, сармураббии «Равшан»-и Кӯлоб ва Алишер Ҳакбердиев, мураббии калони «Регар-ТадАЗ»-и Турсунзода ба ситоди мураббиёни мунтахаби ҷавонони кишвар дохил шуданд. Аслиддин Ҳабибуллоев, мураббии калони «Вахш»-и Қӯрғонтеппа, мураббии дарвозабонҳо таъин гардид.

Дастаи мунтахаби ҷавонони Тоҷикистон бо раҳбарии Маҳмадҷон Ҳабибуллоев дар Ҷоми Иттиҳод, ки аз 23-юми январ то 3-юми феврали соли оянда дар Санкт-Петербург барпо мегардад, ширкат хоҳад кард. Мунтахаби Тоҷикистон омодагиро ба ин мусобиқа 20-уми декабр дар Душанбе шурӯъ хоҳад кард. Давраи дувуми омодагиҳо ба Ҷоми Иттиҳод-2014 аз 2-юм то 10-уми январ баргузор мешавад. Давраи севум ва охирини омодагӣ дар Анталияи Туркия дар назар аст.

Бояд гуфт, ки мунтахаби ҷавонони Тоҷикистон (U-21) соли оянда, инчунин, дар мусобиқаи интихобии қаҳрамонии Осиё ширкат хоҳад кард.

Шарҳҳоро бинед (10)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG