Дар аввалин бозии даври панҷум «Регар-ТадАЗ»-и Турсунзода дастаи меҳмон - «Эсхата»-и Хуҷандро бо ҳисоби 2:0 шикаст дод. Дарвоқеъ, “Регар-ТадАЗ” ягона дастаест, ки дар ҳамаи панҷ бозӣ дарвозаашро аз гол эмин доштааст.
Дар чаҳор бозии дигар «Истиқлол»-и Душанбе бар «Ҳосилот»-и Фархор бо ҳисоби 3:1, «Панҷшер»-и Балхӣ бар «Кӯктош»-и Рӯдакӣ бо ҳисоби 2:1, КМВА (Клуби марказии варзишии артиш)- и Душанбе бар “Вахш”-и Бохтар ва “Равшан”-и Кӯлоб бар “Истаравшан”-и Истаравшан бо ҳисоби якхелаи 1:0 пирӯз шуданд.
Танҳо як бозӣ миёни дастаҳои “Барқчӣ”-и Ҳисор ва “Хуҷанд” бо ғалабаи меҳмонон – футболбозони шаҳри Хуҷанд - бо ҳисоби 1:0 хотима ёфт.
Ҳамин тариқ, баъди натиҷагирии даври панҷуми мусобиқаи қаҳрамонии футболи Тоҷикистон миёни дастаҳои лигаи олӣ «Истиқлол» бо 15 имтиёз дар ҷадвали мусобиқа дар мақоми аввал аст.
КМВА бо 13 имтиёз дар ҷойи дуюм ва “Регар-ТадАЗ”, ки 11 имтиёз гирифтааст, дар ҷойи сеюм қарор доранд. Зимнан, ин се дастаи пешсаф, инчунин “Равшан”, ки бо 9 имтиёз дар ҷойи чаҳорум аст, то ҳоло ба шикаст мувоҷеҳ нашудаанд.
Дастаҳои “Вахш” ва “Панҷшер” бо сеимтиёзӣ дар ду зинаи охири ҷадвали мусобиқа ҷойгир шудаанд. “Панҷшер” дар даври панҷум бо шикаст додани “Кӯктош” дар майдони худ аввалин пирӯзиашро ба даст овард.
Бозиҳои даври шашуми мусобиқаи қаҳрамонии футболи Тоҷикистон миёни дастаҳои лигаи олӣ рӯзҳои 10, 12 ва 15-уми май баргузор мешаванд.
Мусобиқаи имсолаи лигаи олӣ бо иштироки 12 даста то рӯзи 10-уми ноябр идома хоҳад кард. Тибқи низомнома мусобиқа дар ду давра баргузор мешавад, ки дастаҳо дар майдони худ ва дар меҳмонӣ бо ҳам бозӣ мекунанд. Дар маҷмуъ, ҳар як тим 22 бозӣ мегузаронад.
Дастае, ки дар мавсими соли 2024 дар лигаи олӣ мақоми охиринро ишғол мекунад, ба лигаи якум мегузарад ва бошгоҳе, ки дар мусобиқа ҷойи ёздаҳумро мегирад, бо барандаи медали нуқраи лигаи аввали Тоҷикистон-2024 бозиҳои гузаришӣ доир мекунад.
Мусобиқаи қаҳрамонии футболи Тоҷикистон-2024
Лигаи олӣ
Даври панҷум
3-юми май (ҷумъа)
«Регар-ТадАЗ» – «Эсхата» - 2:0
Голҳо: Эммануэл Квадво Фримпонг, 6 (1:0). Шарафҷон Солеҳов, 68 – аз пеналти (2:0).
4-уми май (шанбе)
«Истиқлол» – «Ҳосилот» - 3:1
Голҳо: Элеке Чибуеке Блессинг, 4 (1:0). Шериддин Бобоев, 59 (1:1). Ҳамадонӣ Камолов, 64 (2:1). Элеке Чибуеке Блессинг, 68 (3:1).
«Панҷшер» – «Кӯктош» - 2:1
Голҳо: Франк Нонга, 24 (1:0). Франк Нонга, 68 (2:0). Муҳсинҷон Абдуғаффоров, 90+8 – аз пеналти (2:1).
5-уми май (якшанбе)
«Барқчӣ» – «Хуҷанд» - 0:1
Гол: Артём Сердюк, 69.
КМВА – «Вахш» - 1:0
Гол: Комрони Мирзохон, 45+1.
«Равшан» – «Истаравшан» - 1:0
Гол: Самуэл Офори, 47.
Мавқеи дастаҳо дар ҷадвали мусобиқа:
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
«Истиқлол» (Душанбе) |
5 |
5 |
0 |
0 |
16-2 |
15 |
|
2 |
КМВА (Душанбе) |
5 |
4 |
1 |
0 |
8-1 |
13 |
|
3 |
«Регар-ТадАЗ» (Турсунзода) |
5 |
3 |
2 |
0 |
5-0 |
11 |
|
4 |
«Равшан» (Кӯлоб) |
5 |
2 |
3 |
0 |
7-4 |
9 |
|
5 |
«Хуҷанд» (Хуҷанд) |
5 |
2 |
1 |
2 |
4-5 |
7 |
|
6 |
«Ҳосилот» (Фархор) |
5 |
2 |
0 |
3 |
7-7 |
6 |
|
7 |
«Барқчӣ» (Ҳисор) |
5 |
1 |
2 |
2 |
6-7 |
5 |
|
8 |
«Истаравшан» (Истаравшан) |
5 |
1 |
1 |
3 |
5-7 |
4 |
|
9 |
«Эсхата» (Хуҷанд) |
5 |
1 |
1 |
3 |
4-9 |
4 |
|
10 |
«Кӯктош» (Рӯдакӣ) |
5 |
1 |
1 |
3 |
3-11 |
4 |
|
11 |
«Панҷшер» (Балхӣ) |
5 |
1 |
0 |
4 |
4-10 |
3 |
|
12 |
«Вахш» (Бохтар) |
5 |
1 |
0 |
4 |
1-7 |
3 |
Нишонзанҳо: Элеке Чибуеке Блессинг («Истиқлол») – 5 тӯб, Алишер Ҷалилов («Истиқлол»), Бахтиёр Зарипов («Равшан»), Артём Сердюк («Хуҷанд»), Муҳсинҷон Абдуғаффоров («Кӯктош») – 3-тӯбӣ,
Даври шашум
10-уми май (ҷумъа)
«Хуҷанд» – «Панҷшер»
«Ҳосилот» – «Барқчӣ»
12-уми май (якшанбе)
«Эсхата» – «Истаравшан»
«Кӯктош» – КМВА
15-уми май (чоршанбе)
«Вахш» – «Равшан»
«Регар-ТадАЗ» – «Истиқлол»
