Пайвандҳои дастрасӣ

Хабари нав

«Регар» ТадАЗ шашумин бор қаҳрамони Тоҷикистон шуд


Қаҳрамонони Тоҷикистон дар соли 2007

Дастаи «Регар» ТадАЗ-и Турсунзода сарфи назар аз натиҷаи ду бозии охирини худ қаҳрамони футболи Тоҷикистон дар соли 2007 гардид.

Ин даста сарфи назар аз натиҷаи ду бозии охирини худ дар сафар (6-уми декабр бо «Парвоз» ва 9-уми декабр бо «Хуҷанд»), пешакӣ ба медалҳои тиллои мусобиқоти қаҳрамонии Тоҷикистон соҳиб шуд.

«Регар» ТадАЗ дар бозии 18-уми худ бар тими меҳмон – «ХИМА»-и Душанбе бо натиҷаи 5 бар 2 пирӯзӣ ба даст овард. Хуршед Маҳмудов се гол ва Аббос Абдуллоев ду гол ба самар расонданд. Ду голи «ХИМА»-ро Ҷамшед Ҳабибуллоев ва Сӯҳроб Ҳамидов вориди дарвозаи тими ғолиб карданд.

Бад-ин тартиб, «Регар» ТадАЗ, ки дар ҳамаи 18 дидор пирӯз шудааст, бо 54 имтиёз дар зинаи аввали ҷадвали мусобиқот қарор гирифтааст. «Парвоз»-и Бобоҷон Ғафуров бо 48 имтиёз дар ҷои дуввум мебошад ва новобаста аз натиҷаи бозии охиринаш бо тими меҳмон - «Регар» ТадАЗ, ки рӯзи 6-уми декабр дар варзишгоҳи «Фурудгоҳ» баргузор мегардад, бо медалҳои нуқра мукофотонида мешавад.

Дастаҳои шаҳри Қӯрғонтеппа - «Тоҷиктелеком» ва «Вахш», ки бо 34-имтиёзӣ мутаносибан ҷойҳои севвуму чаҳорумро касб кардаанд, муддаъиёни медалҳои биринҷии мусобиқот мебошанд. Соҳиби ҷоизаи севвум дар даври охирин рӯзи 9-уми декабр муайян хоҳад шуд. Дар ин рӯз «Тоҷиктелеком» дар майдони худ бо «Энергетик»-и Душанбе ва «Вахш» бо «Динамо»-и Душанбе рақобат мекунанд.

«ХИМА», ки бо 30 имтиёз дар ҷои панҷум аст, дар даври охирин дар ноҳияи Панҷ бо «Саройкамар» зӯрозмоӣ хоҳад кард. Вале натиҷаи ин бозӣ мавқеъи «ХИМА»-ро дар ҷадвал тағйир нахоҳад дод. Ва аммо ҳисоби мусовӣ ё пирӯзӣ дар ин дидор ба «Саройкамар» имкон медиҳад, ки аз зинаи охирин – 11-ум ба ҷои даҳум барояд.

Мавқеъи дастаҳо дар ҷадвали мусобиқот чунин аст:

1«Регар» ТадАЗ 54 имтиёз 18 бозӣ
2«Парвоз»4819
3«Тоҷиктелеком»3419
4«Вахш»3419
5«ХИМА»3019
6«Хуҷанд»2619
7CSKA «Помир»2220
8«Динамо»2219
9«Энергетик»1819
10«Гвардия»620
11«Саройкамар»619

Шарҳҳоро бинед (4)

Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG