АНДӢ БА ДУШАНБЕ ОРАШ, ГУГУШ ВА МУИНРО МЕОРАД!!!

Имрӯз якуми апрел аст. Дар якуми апрел чӣ кор мекунанд? Бале, ҳама ба ҳамдигар шӯхӣ мекунанд. Мисол, як ҷавон, Шодмон номаш, хислаташ низ ба исмаш мувофиқ ҳамеша шод аст ва дигаронро низ шод мекунад. Ана ҳамин ҷавон ҳамин субҳ модарашро низ барои чанд дақиқа шод кардааст. Давоми қисса аз даҳони Луқмон, аниқтараш, Шодмон хуш аст......

Аз забони Шодмон бишнавед, ки модараш бо шунидани хабари бозгардони пулҳои мӯҳраи "Ҷамол - Компания" чӣ ҳолате дошт.

Тасаввур мекунам ҳоли Шодмонро баъд аз он ки модараш ҳазл будани ҳарфи ӯро фаҳмид.

Қиссаи дигар ин ки, як донишҷӯдухтар, донишҷӯдухтар. Ӯ дар Донишгоҳи Давлатии Миллии Тоҷикистон мехонад, ҳама ҳамсабақҳо, ва на танҳо ҳамсабақҳо, балки боз устодони факултаашро низ ба тӯйи арӯсияш ба тарабхона даъват мекунад, як даъватнома харидаву дар он дастаҷамъӣ ҳамаро навишта расман ба тарабхона даъват мекунад дар рӯзи якуми апрел.

Ин қиссаи соли гузашта аст. Идомаи риштаи сухан аз яке аз ҳамсабақҳои он духтар, яке аз таклифшудаҳо ба тӯй, ки мегӯяд, тарабхона мераванду ҳамон рӯз боз он ҷо як тӯйи дигар низ будааст ва инҳо ҳама фикри тӯйи ҳамсабақашон карда ба тӯйхона медароянд, ки арӯсу домод ким - кӣ ношинос.. Духтараки шӯхро баъдан қариб аз донишгоҳ хориҷ кардаанд, ба ҳар ҳол, охир барояш охир қолин тӯҳфа харида буданд..

Эъ, агар ин ҳама ҳазлҳоро қисса кунем, метарсам ки вақти эфири бахшҳои ӯзбакиву қирғизиро низ мегирем. Ин ҷо баъзе шӯхдухтарҳо ҷавонписаронро шодикаф карданд имрӯз бо изҳори муҳаббати дурӯғини худ. Баъзе ҷавонписарони дигар то ҳол дар боғи марказӣ гулдаста дар даст интизоранд, фаромӯш карда онро ки имрӯз якуми апрел аст. Вале табъи баъзе ҷавонон он қадар болидаву хуш аст, ки ҳар рӯз барояшон якуми апрел аст.

Эҷод ном ҷавоне дар роҳи рафтааш шӯхӣ эҷод мекунад. Ӯ дар роҳи рафтааш як духтарро нидо мекунад, ки «Ҳой, зер кардӣ» Духтар ба зери пояш менигарад, ки чизе нест ва фикр мекунад, гаппартоии оддӣ асту ба роҳаш идома медиҳад. Ҷавон боз мегӯяд, «Охир, зер кардӣ, э духтар»

Духтар мепурсад, ки «Чиро зер кардам?» Посух мешунавад: «О, заминро зер кардӣ, ай»

Ва таъбири латифагаштаи намакинтарин ва муосиртарин, ба истилоҳ топ - латифаи ҳозираи Душанбе, ин ки як ҷавон гуфтааст, шаб гази хонаро се бор хабар мегирӣ, ки хомӯш кардаӣ ё не, вале бо вуҷуд бо дили пур аз ҳарос хоб меравӣ, ки оё ҳамсоя газашро хабар гирифта бошад ё на?