Пайвандҳои дастрасӣ

Хабари нав

Харҷ агар аз ҷайби соҳибкор бувад...Издивоҷи 35 ҷуфт ва хатнаи 230 кӯдак дар Кӯлоб. АКС


Харҷи маросими издивоҷи расмии 35 ҷуфт ва хатнаи 230 кӯдакро соҳибкорони маҳаллӣ доданд.

Дар Кӯлоб маросими издивоҷи расмии 35 ҷуфт ва хатнаи 230 кӯдакро дар базмгоҳи наврӯзӣ баргузор карданд.

Дар Тоҷикистон чанд соли ахир расм шудааст, ки дар Наврӯз ба навхонадорон ва кӯдакон аз хонаводаҳои камбизоат кумак мекунанд.

Харҷи маросими издивоҷи ҷавонон ва хатнаи ноболиғон бо кумаки соҳибкорони маҳаллӣ сурат гирифт. Дар шаҳрдорӣ гуфтанд, ки ҳамаи онҳо аз хонаводаҳои нодор буданд.

Марям Саймӯъминзода, мудири Сабти асноди ҳолати шаҳрвандии Кӯлоб гуфт, ки “ба 35 ҷуфти навхонадорон ҷиҳозӣ арӯсӣ ва шаҳодатномаи ройгони никоҳ дода шуд.”

Шаҳрдорӣ ин домоду арӯсон ва кудаконро бо пешниҳоди Шӯъбаи ҳифзи иҷтимоӣ рӯйхат кардааст.

Ҳарчанд мақомот инро хидмати худ медонанд, вале харҷаш аз кисаи соҳибкорон аст. Дар гузашта бархе соҳибкорон шикоят карда буданд, ки онҳоро маҷбур мекунанд, то дар чунин маъракаҳо саҳм бигиранд.

Дар Наврӯзгоҳи Кӯлоб ду соли ахир бинобар паҳншавии КОВИД-19 ҷашни Наврӯзро таҷлил накарда буданд ва имсол онро бошукуҳтар ҷашн гирифтанд.

Шарҳҳоро бинед (12)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.
XS
SM
MD
LG