Мунтахаби духтарони Эрон (U-18) ғолиби мусобиқаи қаҳрамонии CAFA-2022 шуд

Дастаи мунтахаби духтарони Эрон (U-18) ғолиби мусобиқаи қаҳрамонии Созмони футболи Осиёи Марказӣ (CAFA)-2022 шуд, ки 15-уми март дар Душанбе ба поён расид, хабар медиҳад сомонаи Федератсияи футболи Тоҷикистон.

Ба иттилои манбаъ, мунтахаби Эрон (U-18) дар ҳарсе бозии анҷомдодааш се пирӯзӣ ба даст оварда, бо 9 имтиёз дар мусобиқаи қаҳрамонии CAFA-2022 мақоми аввалро касб кард.

Футболбоздухтарони эронӣ дар даври охирин бар тими Қирғизистон бо ҳисоби 2:1 пирӯз шуданд. Дар бозии дигари даври сеюм мунтахаби Узбекистон дастаи Тоҷикистонро бо ҳисоби 8:1 шикаст дод.

Ба ин тартиб, мунтахаби Эрон, ки барандаи мусобиқаи қаҳрамонии Созмони футболи Осиёи Марказӣ миёни тимҳои духтарони то 18-сола шуд, бо Ҷоми қаҳрамонӣ ва медалҳои тилло сарфароз гашт.

Дастаҳои Узбекистон ва Қирғизистон дар се бозӣ чаҳоримтиёзӣ ба даст оварданд, вале ба далели беҳтар будани таносуби тӯбҳо ҷойи дувум ва медалҳои нуқра насиби футболбоздухтарони узбек шуд. Қирғизҳо бо медалҳои биринҷӣ мукофотонида шуданд.

Дастаи мунтахаби духтарони то 18-солаи Тоҷикистон, ки ҳамаи бозиҳояшро бохт, бидуни имтиёз дар ҷойи охирин – чаҳорум – қарор гирифт.

Аз рӯи натиҷагирии мусобиқа ҷоизаи “Fair Play” (“Бозии софдилона”) ба тими Қирғизистон ва ҷоизаи вижа ба мунтахаби Тоҷикистон супурда шуд.

Беҳтарин нишонзани ин мусобиқа бозигари тими Эрон Нигин Зандӣ Дареҳ Ғарибӣ (6 гол) гардид. Ҷоизаи MVP ба раҳбари тими мунтахаби Эрон Сайида Заҳро Маъсумӣ Қотеҳсарӣ эҳдо шуд.

Мусобиқаи қаҳрамонии CAFA-2022 миёни дастаҳои мунтахаби духтарон (U-18)

Даври 1-ум

11-уми март (ҷумъа)

Тоҷикистон – Қирғизистон – 0:1

Гол: Аяна Каратаева, 55.

Узбекистон – Эрон – 0:1

Гол: Нигин Зандӣ Дареҳ Ғарибӣ, 35.

Аз майдон хориҷ шуданд: Севинч Қучқорова (Узбекистон), 65 – корти 2-юми зард, Лайло Рустуллоева (Узбекистон), 79 – корти 2-юми зард.

Даври 2-юм

13-уми март (якшанбе)

Эрон – Тоҷикистон – 11:0

Голҳо: Нигин Зандӣ Дареҳ Ғарибӣ, 7 (1:0). Соро Дидор, 26 (2:0). Нигин Зандӣ Дареҳ Ғарибӣ, 34 (3:0). Ҳастӣ Фурӯзанда, 45+2 (4:0). Саида Заҳро Маъсуми Қотеҳсарӣ, 55 (5:0). Саида Заҳро Маъсуми Қотеҳсарӣ, 62 (6:0). Нигин Зандӣ Дареҳ Ғарибӣ, 71 (7:0). Нигин Зандӣ Дареҳ Ғарибӣ, 73 (8:0). Саида Заҳро Маъсуми Қотеҳсарӣ, 75 (9:0). Кимиё Кофӣ, 85 (10:0). Муқаддаси Зулфӣ, 89 (11:0).

Аз майдон хориҷ шуданд: Бибиоиша Исҳоқова (Тоҷикистон) ва Фотима Пасандида (Эрон).

Қирғизистон – Узбекистон – 1:1

Голҳо: Асем Турғумбоева, 31 (1:0). Ойдиной Турғунова, 65 (1:1)

Даври 3-юм

15-уми март (сешанбе)

Тоҷикистон – Узбекистон – 1:8

Голҳо: Зарина Маматкаримова, 20. Маҳзуна Абдукаримова, 27. Лайло Рустуллоева, 52. Лайло Рустуллоева, 57. Лайло Рустуллоева, 58. Лайло Рустуллоева, 77. Севинч Қучқорова, 84 – аз пеналти. Рухшона Саидаббосова, 87. Мадина Давлатова, 90 – аз пеналти.

Аз майдон хориҷ шуд: Муниса Гулова (Тоҷикистонн), 24

Эрон – Қирғизистон – 2:1

Голҳо: Нурсулуу Мурзақулова, 27 (0:1). Илоҳӣ Афшардӯст, 55 (1:1). Нигин Зандӣ Дареҳ Ғарибӣ, 60 (2:1).

Мавқеи дастаҳои мунтахаб дар ҷадвали ҷамъбастии мусобиқа