Пайвандҳои дастрасӣ

Хабари нав

"Эко-Тренд Плюс" партовҳои пойтахти Қирғизистонро коркард мекунад


Бишкек, Қирғизистон. Акс аз бойгонӣ.
Бишкек, Қирғизистон. Акс аз бойгонӣ.

Шаҳрдории Бишкек хабар дод, ки ширкати "Эко-Тренд Плюс" аз 5-уми январ корҳо барои коркарди партовҳои пойтахти Қирғизистонро оғоз мекунад.

Ба огаҳии манбаъ, шаҳрдор Ойбек Ҷунушалиев бо раҳбарони хадамотҳои шаҳрӣ ва намояндагони ширкати "Эко-Тренд Плюс", ки барои коркарди партовҳои шаҳр бо он созишнома имзо шудааст, ҷаласаи сайёреро баргузор кард.

Масъулони ширкат гуфтаанд, аз 5 январ интиқол ва насби дастгоҳҳои махсусро барои коркарди партовҳо оғоз мекунанд.

Шаҳрдории Бишкек 24 декабри соли гузашта бо ширкати "Эко-Тренд Плюс" созишномаеро дар бораи коркарди партовҳои шаҳр имзо кард. Тибқи созишнома, то 31 декабри соли равон бояд корхонаи коркарди партов дар партовгоҳи асосии пойтахти Қирғизистон бунёд шавад.

XS
SM
MD
LG