Пайвандҳои дастрасӣ

Хабари нав

Ҷоми Тоҷикистон: Пирӯзии "Истиқлол" ба "Эсхата" ва "Хуҷанд" ба "Равшан"


Бозиҳои аввали даври ниманиҳоии Ҷоми Тоҷикистон-2021

Бозиҳои аввали даври ниманиҳоии Ҷоми Тоҷикистон-2021 оид ба футбол рӯзҳои 6-7-уми ноябр баргузор шуданд.

Рӯзи шанбе дар Варзишгоҳи марказии пойтахти кишвар "Истиқлол"-и Душанбе бо "Эсхата"-и Хуҷанд рақобат кард. Ба чор голи задаи мизбонон меҳмонон тавонистанд бо се гол посух бидиҳанд. Бозии ҷавобӣ байни ин ҷуфт рӯзи 27-уми ноябр дар шаҳри Хуҷанд барпо мегардад.

Бозии дигари ниманиҳоӣ рӯзи якшанбе, 7-уми ноябр, дар варзишгоҳи "20-солагии Истиқлолияти Тоҷикистон"-и шаҳри Хуҷанд миёни дастаҳои "Хуҷанд" ва "Равшан"-и Кӯлоб баргузор шуд. Хуҷандиҳо бо ҳисоби бузурги 4:0 ғалаба карданд. Бозии ҷавобии ин ҷуфт рӯзи 28-уми ноябр дар шаҳри Кӯлоб доир мегардад.

Ҷоми Тоҷикистон-2021

Нимфинал. Бозии аввал

"Истиқлол" - "Эсхата" - 4:3

Голҳо: Манучеҳр Ҷалилов, 8 (1:0). Алишер Ҷалилов, 25 (2:0). Манучеҳр Сафаров, 28 (3:0). Рёта Нома, 38 (4:0). Ҷаҳонгир Эргашев, 42 (4:1). Ҷаҳонгир Эргашев, 71 - аз пеналти (4:2). Аҳрорҷон Иноятов, 74 (4:3).

Беҳтарин бозигари дидор: Ҷаҳонгир Эргашев («Эсхата»).

Корти зард: Рустам Соиров ("Истиқлол"), Шаҳзод Абдураҳимов ("Эсхата").

Сардовар: Рустам Нурматов (Душанбе).

6-уми ноябр. Душанбе, Варзишгоҳи марказии ҷумҳуриявӣ.

"Хуҷанд"- "Равшан" - 4:0

Голҳо: Нозим Бобоҷонов, 20 (1:0). Комрон Турсунов, 39 (2:0). Дилшод Бозоров, 73 (3:0). Дилшод Бозоров, 80 (4:0).

Аз майдон хориҷ шуд: Далер Шомуродов ("Равшан") – барои дашном додани ҳарифаш.

Сардовар: Насим Ҳамидов (Душанбе).

7-уми ноябр. Хуҷанд, варзишгоҳи "20-солагии Истиқлолияти Тоҷикистон".

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!

Шарҳҳо

Шарҳи нав расид
Идома
XS
SM
MD
LG